हिंदू धर्मशास्त्रानुसार आठवड्यातील प्रत्येक दिवस हा कोणत्या न कोणत्या देवाला समर्पित असतो. जसं की रविवार हा सूर्य देवतेचा वार आहे. सोमवार हा भगवान महादेव यांचा वार आहे. त्याचप्रमाणे शुक्रवार हा लक्ष्मी मातेचा वार आहे. शुक्रवारी लक्ष्मी मातेची पूजा केली जाते तसेच देवीचं व्रत देखील केलं जातं. लक्ष्मी मातेची सदैव आपल्यावर कृपा राहावी यासाठी अनेक जण शुक्रवारच्या दिवशी विविध उपाय देखील करतात. मात्र दुसरीकडे हिंदू धर्मशास्त्रानुसार अशा काही चुका आहेत, ज्या जर तुम्ही शुक्रवारी केल्या तर त्यामुळे तुमच्यावर लक्ष्मी माता नाराज होते. घरात गरिबी येऊ शकते.वास्तुशास्त्रानुसार अशा काही गोष्टी आहेत, ज्या शुक्रवारच्या दिवशी खरेदी करू नयेत, जर या गोष्टी तुम्ही शुक्रवारी खरेदी केल्या तर त्यामुळे माता लक्ष्मी नाराज होते, तुमच्या घरात वास्तुदोष निर्माण होतो, तुम्हाला विविध अडचणींचा सामना करावा लागू शकतो. चला तर मग आज आपण अशाच एका गोष्टीबद्दल जाणून घेऊयात ज्या शुक्रवारी खरेदी करू नये, असं वास्तुशास्त्रात सांगण्यात आलं आहे.
वास्तुशास्त्रानुसार शुक्रवारच्या दिवशी कधीही झाडू खरेदी करू नये. असं मानलं जातं की जर तुम्ही शुक्रवारी झाडू खरेदी केला तर लक्ष्मी माता नाराज होते. तुमच्यावर आर्थिक संकट येऊ शकतात. कारण वास्तुशास्त्रामध्ये झाडूचं विशेष महत्त्व आहे. झाडू हे केवळ स्वच्छतेचं साधन नाही तर त्याचा संबंध हा लक्ष्मी मातेशी असतो. त्यामुळे झाडू खरेदी करताना काही गोष्टी या लक्षात ठेवाव्या लागतात. शुक्रवारी झाडू खरेदी करू नये असा सल्ला वास्तुशास्त्रात देण्यात आला आहे.
झाडू कधी खरेदी करावा?
वास्तुशास्त्रानुसार शुक्रवारचा दिवस सोडून आणि शुक्ल पक्ष सोडून तुम्ही कधीही झाडू खरेदी करू शकता. मात्र जर तुम्ही शुक्रवारी किंवा शुक्ल पक्षात झाडूची खरेदी केली तर ते अशुभ माण्यात येतं, असं वास्तुशास्त्रात सांगण्यात आलं आहे.
(डिस्क्लेमर : वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)
Leave a Reply