अनेकांसोबत असं घडतं की घरात असलेली लहान मुलं ही वारंवार आजारी पडतात. यामध्ये अनेक कारणं असू शकतात, जसं की वातावरणामध्ये अचानक होणारे बदल, दुषीत हवा असं काहीही कारण असू शकतं. लहान मुलांची रोगप्रतिकारक शक्ती ही कमी असते, त्यामुळे ते वारंवार आजारी पडतात. मुलं जर वारंवार आजारी पडत असतील तर त्यासंदर्भात तज्ज्ञ डॉक्टरांचा सल्ला घेणं गरजेचं असतं. मात्र वास्तुशास्त्रानुसार जेव्हा तुमच्या घरात नकारात्मक ऊर्जा निर्माण होते, तेव्हा देखील तुमच्या घरात अशा गोष्टी घडू शकतात. नकारात्मक ऊर्जेचा परिणाम हा तुमच्या मुलांच्या आरोग्यावर होऊ शकतो. ते आजारी पडू शकतात. अशा प्रकारची नकारात्मक ऊर्जा दूर करण्यासाठी वास्तुशास्त्रात अनेक उपाय सांगण्यात आले आहेत, त्यातीलच एका उपायाबद्दल आज आपण माहिती जाणून घेणार आहोत.
खेळणी – वास्तुशास्त्रात असं म्हटलं गेले आहे की, जर तुमच्या घरात बंद पडलेलं घड्याळ असेल किंवा खराब झालेल्या इलेक्ट्रिक आणि इलेक्ट्रॉनिक वस्तू असतील तर त्यामुळे तुमच्या घरात वास्तुदोष निर्माण होतो. त्यामुळे अशा वस्तू घरातून हटवल्या पाहिजेत. या गोष्टींमुळे नकारात्मक ऊर्जा तयार होते, जिचा परिणाम हा तुमच्या आर्थिक स्थितीवर होतो. त्याचप्रमाणे मुलांना तुम्ही जी खेळणी घेऊन दिली आहेत, त्यामध्ये जर तुटलेली खेळणी असतील तर त्याचा देखील तुमच्या मुलाच्या आरोग्यावर परिणाम होतो. अशा तुटलेल्या खेळण्यांमुळे घरात नकारात्मक ऊर्जा तयार होते आणि त्याचा परिणाम हा मुलांच्या आरोग्यावर होतो असं वास्तुशास्त्रामध्ये सांगण्यात आलं आहे. त्यामुळे अशी तुटलेली खेळणी घरात न ठेवण्याचा सल्ला देण्यात आला आहे.
मुलाच्या बेडरूमची खिडकी – वास्तुशास्त्रानुसार मुलांच्या बेडरूमची खिडकी ही नेहमी पूर्व दिशेलाच हवी. त्याचं वैज्ञानिक आणि अध्यात्मिक अशी दोन्ही कारणं आहेत. वैज्ञानिक कारण म्हणजे मुलांना लहानपणी मोठ्या प्रमाणात डी जीवनसत्त्वाची गरज असते. जर मुलाच्या बेडरूमची खिडकी ही पूर्व दिशेला असेल तर सूर्याची किरणं बेडरूममध्ये पडतात, त्यातून मुलांना डी जीवनसत्त्व मिळतं. तसेच जर मुलाच्या बेडरूमची खिडकी ही पूर्व दिशेला असेल तर बेडरूममध्ये पुरेसा प्रकाश देखील राहतो, ज्याचा सकारात्मक परिणाम हा तुमच्या मुलाच्या प्रगतीवर होतो, असं वास्तुशास्त्रामध्ये सांगण्यात आलं आहे.
(डिस्क्लेमर : वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)
Leave a Reply