तुमच्या घराचा मुख्य दरवाजा हा ऊर्जेचा सर्वात मोठा स्त्रोत असतो, असं वास्तुशास्त्र सागतं. वास्तुशास्त्रानुसार तुम्ही जेव्हा घराच्या बाहेर फिरण्यासाठी जातात आणि त्यानंतर जेव्हा घरी येतात, तेव्हा तुम्ही एकटेच नसतात तर तुम्ही तुमच्यासोबत एक ऊर्जा देखील घेऊ आलेले असतात. ही ऊर्जा सकारात्मक किंवा नकारात्मक अशी कोणतीही असू शकते. समजा तुम्ही एखाद्या मंदिरामध्ये देवाच्या पाया पडण्यासाठी गेलात तर तुम्ही तुमच्या सोबत घरी सकारात्मक ऊर्जा घेऊन येतात, मात्र तेच जर तुम्ही एखादं असं ठिकाणं आहे, जे नकारात्मक ऊर्जेनं भरलेलं आहे, अशा ठिकाणी गेलात तर आपोआपच तुमच्यासोबत देखील नकारात्मक ऊर्जा येते. जेव्हा घरात सकारात्मक ऊर्जा येते, तेव्हा घरात पैशांची कमी राहत नाही, घरास सुख, समृद्धी आणि शांती असते, परंतु जर घरात नकारात्मक ऊर्जा निर्माण झाली असेल तर अशावेळी या उलट परिणाम होतात. त्यामुळे नकारात्मक ऊर्जेला घराच्या बाहेरच अटकाव करणं गरजेचं असतं. त्यासाठी वास्तुशास्त्रात काही नियम सांगण्यात आले आहेत, त्याबद्दलच आज आपण माहिती जाणून घेणार आहोत.
स्वस्तिक – वास्तुशास्त्रामध्ये स्वस्तिकच्या चिन्हाला अतिशय शुभ माण्यात आलं आहे, जेव्हा -जेव्हा आपण देवाची पूजा करतो, तेव्हा -तेव्हा तिथे स्वस्तिक हे चिन्ह काढलं जातं. वास्तुशास्त्रानुसार ज्या घरावर स्वस्तिक चिन्ह आहे. त्या घरामध्ये कधीही नकारात्मक ऊर्जा प्रवेश करत नाही, नकारात्मक ऊर्जेला घराच्या मुख्य प्रवेशद्वारावरच नष्ट करण्याची शक्ती या चिन्हात असते, त्यामुळे घराच्या मुख्य दरवाजावर स्वस्तिक चिन्ह लावण्याचा सल्ला वास्तुशास्त्रामध्ये देण्यात आला आहे.
तोरण – हिंदू धर्मशास्त्रामध्ये विविध सण उत्सव काळात घराच्या मुख्य दरवाजाला तोरण लावण्याची प्रथा आहे. वास्तुशास्त्रानुसार हे तोरणं खूपच शुभ असतं, यामुळे कोणत्याही प्रकारची नकारात्मक ऊर्जा तुमच्या घरात प्रवेश करत नाही. तुम्ही तुमच्या घरावर फुलं किंवा अंब्याच्या पानांचं तोरण लावू शकतात. मात्र एक गोष्ट लक्षात ठेवावी, जर या तोरणामधील फूलं किंवा पानं वाळली की लगेच हे तोरण काढून नवं तोरण लावावं, तसेच घराच्या मुख्य द्वाराला कधीही कृत्रिम फुलांचं तोरण लावू नये, तोरण हे नेहमी खऱ्या फुलांपासूनच तयार करावं.
पायपुसणी – वास्तुशास्त्रानुसार घराच्या मुख्य दरवाजाजवळ नेहमी पायपुसणी ठेवावी, यामुळे घरात नकारात्मक ऊर्जा प्रवेश करत नाही. अनेक जण आपल्या वास्तुच्या डेकोरेशननुसार विविध आकाराची पायपुसणी ठेवतात. मात्र वास्तुशास्त्रानुसार घरात नेहमी आयात आकाराचीच पायपुसणी असावी, यामुळे नकारात्मक ऊर्जा नष्ट होऊन, घरात नेहमी सकारात्मक ऊर्जा राहते.
(डिस्क्लेमर : वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)
Leave a Reply