US Iran Ceasefire for 2 Weeks : मागच्या अनेक दिवसांपासून जगाचं लक्ष ज्या निर्णयाकडे लागलं होतं, ती घोषणा अखेर आज झाली. सगळ्या जगाने सुटकेचा निश्वास सोडला आहे. मध्य पूर्वेमध्ये आता पुन्हा एकदा शांतता निर्माण होईल अशी आशा निर्माण झाली आहे. अमेरिका आणि इराणमध्ये युद्धविरामाची घोषणा झाली आहे. हा युद्धविराम दोन आठवड्यांसाठी आहे. अमेरिकेचे राष्ट्र्राध्यक्ष डोनाल्ड ट्रम्प यांनी इराणच्या विनाशाची धमकी दिली होती. त्यांनी दिलेली डेडलाईन संपायला एक तास बाकी असताना युद्धविरामाची घोषणा झाली आहे. दोन्ही बाजूंनी युद्धविरामाची घोषणा झाली आहे. सीजफायर ज्या अटींवर झालय त्यानुसार, इराण आता स्ट्रेट ऑफ हॉर्मुज पूर्णपणे जलवाहतुकीसाठी ओपन करणार आहे. इराणने या जलमार्गावरील वाहतूक नियंत्रित केली होती. मागच्या महिन्याभरापेक्षा जास्त काळ इराण विरुद्ध अमेरिका-इस्रायल युद्ध सुरु आहे.
अमेरिकेसोबत चर्चेला तयार असल्याचं इराणने म्हटलं आहे. शुक्रवारपासून पाकिस्तानात ही चर्चा सुरु होईल. युद्धविराम कायम रहावा हाच या बैठकीचा उद्देश असेल. या सीजफायर डीलमध्ये पाकिस्तानने मध्यस्थाची भूमिका बजावली असं वरवर दिसतय. पण चीन जर यामध्ये पडला नसता तर ही डील होऊ शकली नसती. न्यूयॉर्क टाइम्सने तीन इराणी अधिकाऱ्यांच्या हवाल्याने हे वृत्त दिलं आहे.
इराणने कोणाचं ऐकलं?
चीनच्या हस्तक्षेपानंतर इराणने शेवटच्या क्षणी पाकिस्तानचा दोन आठवड्यांसाठी युद्धविरामाचा प्रस्तावर स्वीकारला. चीन इराणचा महत्वाचा सहकारी आहे. युद्धकाळात चीनकडून इराणला मदत पोहोचवण्यात आली. इराणने आपली भूमिका लवचिक करावी यासाठी चीनने त्यांची समजूत काढली. डोनाल्ड ट्रम्प यांनी इराणमध्ये ऊर्जा प्रकल्प आणि ब्रिजना लक्ष्य करणार हे आधीच जाहीर केलं होतं.
ही चर्चा म्हणजे युद्ध समाप्ती नाही
इस्लामाबादमध्ये अमेरिका आणि इराणमध्ये चर्चा होईल. इराणच्या सर्वोच्च सुरक्षा परिषदेने युद्धात दोन आठवड्यांचा युद्धविराम मान्य केल्याचं जाहीर केलं. शुक्रवारी 10 एप्रिलपासून इस्लामाबादमध्ये अमेरिकेसोबत चर्चा होईल. ही चर्चा म्हणजे युद्ध समाप्ती नाही असं सुद्धा सर्वोच्च राष्ट्रीय सुरक्षा परिषदेने म्हटलं आहे.
Leave a Reply