टी20 वर्ल्डकप 2026 स्पर्धेच्या जेतेपदावर भारताने नाव कोरलं आहे. गेल्या महिन्याभरापासून सुरू असलेल्या स्पर्धेचा शेवट भारताने जेतेपदाने केला. या स्पर्धेत भारताने एकमेव सामना गमावला. सुपर 8 फेरीत भारताने दक्षिण अफ्रिकेविरुद्धच्या सामन्यात पराभवाचं तोंड पाहिलं. या व्यतिरिक्त एकही सामना भारताने गमावला नाही. उपांत्य आणि अंतिम फेरीत भारताने जबरदस्त कामगिरी केली. भारताने सलग दुसऱ्यांदा जेतेपद मिळवलं आहे. तर टी20 वर्ल्डकप जिंकण्याची ही तिसरी वेळ आहे. या विजयानंतर भारतीय खेळाडूंनी आपल्या प्रतिक्रिया नोंदवल्या. यावेळी हार्दिक पांड्यानेही मनातलं सर्व काही सांगितलं. हार्दिक पांड्याने गर्लफ्रेंड माहिका शर्मा ही पत्नी असल्याचं जाहीरपणे सांगितलं. हार्दिक पांड्याने जतिन सप्रूसोबत संवाद साधताना जाहीर कबुली दिली. हार्दिक पांड्याने असं सांगताच मैदानातील प्रेक्षकवर्ग जोरात ओरडला.
काय म्हणाला हार्दिक पांड्या?
हार्दिक पांड्या जतिन सप्रूसोबत संवाद साधताना म्हणाला की, माहिका माझ्या आयुष्यात आल्यापासून मला विजयावर विजय मिळत आहेत. ती माझ्या आयुष्यात आल्याने सर्वकाही ठीक होत आहे. हार्दिक पांड्याने तिचं कौतुक करताना जतिन सप्रूला सांगितलं की, ती माझी पत्नी आहे. असं सांगताच त्याने माहिका शर्मा जिथे उभी होती तिथे हात दाखवला. संवाद संपल्यानंतर हार्दिक पांड्या माहिकाला भेटला आणि तिची गळाभेट घेतली. त्यानंतर तिच्या गालावर चुंबन घेतलं. माहिकानेही त्याला किस केलं. हार्दिकने माहिका पत्नी असल्याचं जाहीर केलं आहे. त्यामुळे गेल्या काही दिवसांपासून सुरू असलेल्या चर्चांना पूर्णविराम लागला आहे. गेल्या काही दिवसांपासून दोघं भेटत होते. तेव्हा सोशल मीडियावर चर्चा रंगायच्या. पण आता पती पत्नी असल्याचं जाहीर झालं आहे.
हार्दिक पांड्याचं पुढचं लक्ष्य काय?
हार्दिक पांड्याने या स्पर्धेतील 9 सामन्यात 217 धावा केल्या. तसेच 9 विकेटही घेतल्या आहेत. त्याने टीम इंडियाच्या जेतेपदात मोलाचं योगदान दिलं आहे. हार्दिक पांड्याने अजून 10 वर्षे क्रिकेट खेळणार असल्याचं सांगितलं आहे. आणखी 5-6 आयसीसी ट्रॉफी जिंकणार असल्याचं सांगितलं. हार्दिक पांड्याने सांगितलं की, टी20 वर्ल्डकप 2024 जिंकल्यानंतर मी स्वत:ला सांगितलं आहे की जितक्या स्पर्धा खेळेन तितक्या जिंकणार आहे. इतकंच काय तर हे स्वप्न पूर्ण करण्यासाठी मेहनत घेत असल्याचं सांगितलं.
Leave a Reply