टी20 वर्ल्डकप 2026 स्पर्धेचं जेतेपद कोण मिळवणार? याची उत्सुकता वाढली आहे. भारत आणि न्यूझीलंड यांच्यात जेतेपदासाठी लढत होणार आहे. 8 मार्च रोजी अहमदाबादच्या नरेंद्र मोदी स्टेडियममध्ये जेतेपदासाठी दोन्ही संघ भिडणार आहेत. भारत आणि न्यूझीलंड या दोन्ही संघाचा अंतिम फेरीपर्यंत प्रवास सोपा नव्हता. भारताने साखळी फेरीतील चारही सामने जिंकले. अमेरिकेला 29 धावांनी, नामिबियाला 93 धावांनी, पाकिस्तानला 61 धावांनी आणि नेदरलँडला 17 धावांनी पराभूत केलं. भारताने चारही सामन्यात प्रतिस्पर्धी संघांना धावांचा पाठलाग करताना रोखलं. सुपर 8 फेरीत भारताच्या वाटेला प्रथम गोलंदाजी आली आणि हा सामना 76 धावांनी गमावला. त्याने झिम्बाब्वेला 72 धावांनी, वेस्ट इंडिजला 5 विकेट राखून पराभूत केलं. उपांत्य फेरीत इंग्लंडला भारताने 7 धावांनी पराभूत केलं. भारताने एक सामना वगळता सर्व सामन्यात धावा रोखून विजय मिळवला आहे.
आतापर्यंत झालेल्या सामन्यांचं आकलन केलं तर दोन खेळाडू टी20 वर्ल्डकप स्पर्धेत आपली छाप पाडण्यात अपयशी ठरले आहे. या स्पर्धेतील सामन्यांचं आकलन करून माजी क्रिकेटपटू सुनील गावस्कर यांनी दोन खेळाडूंना प्लेइंग 11 मधून बाहेर करण्याचा सल्ला दिला आहे. सुनील गावस्कर यांनी अभिषेक शर्मा आणि वरूण चक्रवर्ती यांना बसवण्यास सांगितलं. अभिषेक शर्माऐवजी रिंकु सिंह आणि वरूण चक्रवर्ती ऐवजी कुलदीप यादवला प्लेइंग इलेव्हनमध्ये स्थान देण्याचा सल्ला दिला आहे. त्यामुळे अंतिम सामन्यात सूर्यकुमार यादव हे दोन बदल करणार का? हे पाहणं औत्सुक्याचं ठरेल. अभिषेक शर्माला बसवण्याची जोखिम सूर्यकुमार यादव घेणार नाही. तर वरूण चक्रवर्तीऐवजी कुलदीप यादवला संधी देण्याची शक्यता नाकारता येत नाही.
न्यूझीलंडने साखळी फेरीत चार पैकी तीन सामन्यात विजय मिळवला होता. अफगाणिस्तानला 5 विकेटने, युएईला 10 विकेटने आणि कॅनडला 8 विकेटने पराभूत केलं आहे. तर दक्षिण अफ्रिकेने न्यूझीलंडला 7 विकेटने पराभूत केलं. सुपर 8 फेरीत न्यूझीलंडचा पाकिस्तानविरुद्धचा सामना पावसामुळे झाला नाही. श्रीलंकेविरुद्ध 61 धावांनी विजय मिळवला. तर इंग्लंडने 4 विकेट राखून न्यूझीलंडला नमवलं. सुपर 8 फेरीत नेट रनरेटच्या जोरावर न्यूझीलंडने उपांत्य फेरी गाठली. तर उपांत्य फेरीत दक्षिण अफ्रिकेला 9 विकेट राखून पराभूत केलं. एकंदरीत या स्पर्धेत एक सामना वगळता न्यूझीलंडचा संघ धावांचा पाठलाग करताना जिंकला आहे.
Leave a Reply