सुनील तटकरे यांनी राष्ट्रवादी काँग्रेसच्या संभाव्य विलीनीकरणाच्या चर्चांवरून आपला प्रश्न उपस्थित केला आहे, “विलीनीकरण कुठच्या पक्षाचं कुठल्या पक्षात?” शरद पवार यांच्या राजकीय निर्णय घेण्याच्या क्षमतेबद्दलच्या वक्तव्याचा संदर्भ देत, तटकरे यांनी अजित पवार आणि जयंत पाटील यांच्यात झालेल्या पूर्वीच्या चर्चांची आठवण करून दिली. ते म्हणाले की, जर राष्ट्रवादी काँग्रेस (पवार गट) भाजपासोबत आला, तर सत्तेचा वाटा कसा मिळेल, हा प्रश्न महत्त्वाचा आहे.
गेल्या आठ-दहा महिन्यांपासून आपण सातत्याने सांगत असल्याचे तटकरे यांनी स्पष्ट केले. भारतीय जनता पक्षासोबत आणि एनडीएमध्ये आपण आहोत. ज्यांना हे मान्य असेल, तेच आपल्यासोबत विलीनीकरण किंवा एकत्र येण्याबाबत चर्चा करू शकतात. त्यांनी स्वतःवरील आणि प्रफुल पटेल यांच्यावरील आक्षेपांनाही उत्तर दिले. अजित पवारांचे विश्वासू सहकारी म्हणून गेली ४० वर्षे काम करत असून, त्यांनी घेतलेले प्रत्येक निर्णय मानले असल्याचे तटकरे यांनी सांगितले.
स्थानिक स्वराज्य संस्थांच्या निवडणुकांमध्ये एकत्रितपणे लढण्याच्या अजित पवारांच्या पूर्वीच्या निर्णयाचे आणि त्यासंदर्भात झालेल्या पत्रकार परिषदेचे त्यांनी स्मरण करून दिले. जिल्हा परिषदेच्या निवडणुका घड्याळ चिन्हावर लढण्याच्या सूचना अजित पवारांनीच दिल्या होत्या असे त्यांनी सांगितले. सध्याच्या घडामोडींच्या पार्श्वभूमीवर, अजित पवार राष्ट्रीय अध्यक्ष असताना आता सुनित्रा पवार उपमुख्यमंत्री झाल्या असून, राष्ट्रवादी काँग्रेसचे भविष्य त्यांच्या नेतृत्वाखाली कसे असेल, हा प्रश्न त्यांनी उपस्थित केला.
Leave a Reply