Silver Price Crashed: शुक्रवारी पुन्हा एकदा चांदीत घसरण झाली. COMEX चांदीचा भाव शुक्रवारी घसरला. चांदी 63.900 डॉलर /oz वर स्थिरावली. जागतिक बाजारात चांदीत घसरण सुरू असल्याचा हा परिणाम आहे. MCX वर वायदे बाजारात चांदीचा भाव 2.29 लाख रुपयांवर इंट्राडेवर होता. हा या काळातील निच्चांक आहे.
भाव घसरताच गुंतवणूकदारांनी मोठ्या प्रमाणात खरेदी सुरू केली. मागणी वाढल्याने किंमती पुन्हा वाढल्या. चांदी वायदे बाजारात 2.48 लाख रुपये प्रति किलोवर पोहचली. पण बाजारातील तज्ज्ञांनी धोक्याचा इशारा दिला आहे. चांदीच्या किंमती त्याच्या उच्चांकावरून 75 टक्के आपटतील अशी शक्यता वर्तवली आहे.
अर्थात या अंदाजामागे एक मोठे कारण सुद्धा आहे. MCX अथवा COMEX मध्ये चांदीच्या घसरणीमागे एक मोठे कारण समोर आले आहे. अमेरिका आणि इराणमध्ये लागलीच युद्धाची शक्यता मावळली आहे. तर इराण आणि अमेरिका हे दोन्ही देश अणू प्रकल्प, अणू ऊर्जा आणि शस्त्रास्त्रासंबंधी एकाच टेबलवर चर्चेस तयार झाले आहेत.
या सर्व घडामोडींचा परिणाम डॉलरवर झाला आहे. डॉलर आता मजबूत झाला आहे. गुंतवणूकदारांनी सोने आणि चांदीकडील गुंतवणूक पुन्हा डॉलरकडे वळवण्यास सुरुवात केली आहे. जर युद्धाची चिंता संपली तर लवकरच सोने आणि चांदीत मोठी घसरण दिसले.
रशियावर धोरणात्मक दबाव टाकण्यात अमेरिका यशस्वी ठरली आहे. भारताशी करार करत अमेरिकेने एक मोठे कार्ड खेळले आहे. तर भारतासारख्या देशाला स्वस्तात इंधन मिळवून देण्याचा पर्याय पण उपलब्ध करून देण्यात आला आहे. अर्थात याचा एकदम परिणाम होणार नसला तरी युक्रेनबाबत रशियाचे धोरण अजून नरम होईल अशी शक्यता वर्तवली जात आहे.
रशिया आणि युक्रेन युद्ध जर थांबले तर जगावर त्याचा सर्वात मोठा अनुकूल परिणाम दिसून येईल. महागाई आटोक्यात येईल. युक्रेन हा खाद्यतेलवर्गीय पीक उत्पादनासाठी आणि गव्हासाठी ओळखल्या जातो. हे उत्पादन येत्या काही वर्षात वाढले तर महागाई कमी होईल. विस्कळीत पुरवठा साखळी मजबूत होईल आणि डॉलर उसळी घेईल. त्यामुळे सोने आणि चांदीचा भाव खाली उतरेल असा तज्ज्ञांचा अंदाज आहे.
Leave a Reply