आयपीएल स्पर्धेच्या 19 व्या मोसमातील 16 व्या सामन्यात 2 अजिंक्य आणि चॅम्पियन्स संघ आमनेसामने आहेत. गुवाहाटीतील बारसापारा क्रिकेट स्टेडियममध्ये राजस्थान रॉयल्स विरुद्ध रॉयल चॅलेंजर्स बंगळुरु यांच्यात कडवी झुंज आहे. आरसीबीचा 19 व्या हंगामातील हा तिसरा तर राजस्थानचा चौथा सामना आहे. दोन्ही संघांनी खेळेलेल सर्व सामने जिंकले आहेत. पावसामुळे प्रभावित झालेल्या या सामन्याला 1 तास 10 मिनिटांच्या विलंबाने सुरुवात झाली. सामन्यातील पहिला चेंडू पावसामुळे साडे सातऐवजी रात्री 8 वाजून 40 मिनिटांनी टाकण्यात आला.
आरसीबीत मॅचविनरची एन्ट्री, गतविजेत्यांची ताकद दुप्पट
राजस्थान विरूद्धच्या सामन्यातून आरसीबी टीमममध्ये मॅचविनर आणि अनुभवी वेगवान गोलंदाज जोश हेझलवूड याची एन्ट्री झाली आहे. जोशला जेकब डफी याच्या जागी संधी देण्यात आली आहे. जोशने आरसीबीला गेल्या मोसमात आयपीएल ट्रॉफी जिंकून देण्यात प्रमुख योगदान दिलं होतं. त्यामुळे आरसीबी फ्रँचायजीने जोशला 12 कोटी 50 लाख रुपयांत रिटेन केलं.
Leave a Reply