Ramayana Teaser : रामायण चित्रपटाचा टीझर पाहून प्रचंड नाराजी, लोक म्हणाले यापेक्षा तर आदिपुरुष बरा; नेमका आक्षेप काय?

गेल्या अनेक दिवसांपासून रणबीर कपूरची प्रमुख भूमिका असलेल्या रामायण या चित्रपटाची सर्वांनाच उत्सुकता लागलेली होती. हा चित्रपट नेमका कसा असेल? असे प्रत्येकजण विचारत होता. विशेष म्हणजे गेल्या काही वर्षांपासून या चित्रपटाचे शूटिंग सुरू होते. तसेच तांत्रिक बाबींवरही काम सुरू होते. त्यानंतर आता चाहत्यांची उत्सुकता संपलेली असून या चित्रपटातील भगवान राम नेमके कसे असतील याची झलक पाहायला मिळाली आहे. भगवान हनुमान जयंतीचे निमित्त साधून या चित्रपटाचा टीझर रिलीज करण्यात आला आहे. परंतु हा टीझर पाहून सिनेरसिक नाराज झाले आहेत. यापेक्षा अभिनेता प्रभास याचा आदिपुरूष हा चित्रपट खूप चांगला होता, अशी भावना व्यक्त केली जात आहे.

रणबीर कपूरची प्रमुख भूमिका असलेल्या या रामायण चित्रपटाचे टीझर रिलीज करण्यात आले आहे. या टीझरला काही तासांत दीड मिलीयनपेक्षाही जास्त व्ह्यूज आले आहेत. परंतु हा टीझर पाहून अनेकांनी चित्रपटाबाबत निराशा व्यक्त केली आहे. नेटकऱ्यांनी चित्रपटाचे व्हीएफएक्स आणि इतर तांत्रिक बाबींवर सडकून टीका केली आहे. त्यामुळे हा चित्रपट बॉक्स ऑफिसवर नेमकी कशी कामगिरी करणार? असा सवाल उपस्थित केला जात आहे.

even adhipurush feels better than
this #Ramayana glimpse tbh.

Because of
– Ai
– Poor VFX
– Poor editing pic.twitter.com/TJSZZSMWy0

— (@Dq_Stan5_) April 2, 2026

टीझरवर नेमका आक्षेप काय?

काही नेटकऱ्यांनी या चित्रपटाच्या टीझरची तुलना प्रभासची प्रमुख भूमिका असलेल्या आदिपुरूष या चित्रपटाशी केली आहे. आदिपुरुष हा चित्रपट आल्यानंतर सिनेरसिकांनी प्रचंड नाराजी व्यक्त केली होती. सुमार चित्रिकरण, अतिशय निकृष्ट दर्जाचे ग्राफिक्स यामुळे हा चित्रपट पाहून लोक नाराज झाले होते. अशाच प्रकारची भावना आता रणबीर कपूरच्या रामायण या चित्रपटाबाबत व्यक्त केली जात आहे.

#Ramayana – When Adipurush released with Prabhas, it faced huge backlash and boycott. Still, it made around 350+ crore in just 3 days… but money isn’t everything.

People were hurt. The way Hanuman ji and Ramayana were shown didn’t connect with emotions at all. It felt like the… pic.twitter.com/N3L22pWvBS

— Ravi Chaudhary (@BURN4DESIRE1) April 1, 2026

एका नेटकऱ्याने आदिपुरुष हा चित्रपट सध्याच्या रामायण या चित्रपटापेक्षा चांगला होता, असे वाटत आहे. या चित्रपटात वापरण्यात आलेले एआय, व्हिएफएक्स निकृष्ट दर्जाचे आहेत. तसेच सुमार एडिटिंग केलेली आहे, अशी भावना व्यक्त केली. तर नेटकऱ्यांनी फक्त पैसेच कमवणे सर्वकाही नसते असे म्हणत चित्रपटाच्या टीझरवर नाराजी व्यक्त केली आहे. त्यामुळे आता हा चित्रपट बॉक्स ऑफिसवर नेमकी काय कमाल दाखवणार? हे पाहणे महत्त्वाचे ठरणार आहे.

Source link