तुम्ही अनेकदा रेल्वेने प्रवास केलाच असेल. जेव्हा लांब पल्ल्याचा प्रवास असतो, तेव्हा तुमच्या डोळ्यासमोर सर्वात आधी प्रवासाचं कोणतं साधन येत ते म्हणजे रेल्वे, कारण जेव्हा लांब पल्ल्याचा प्रवास असतो, तेव्हा बसने असा प्रवास करणं हे म्हणावं तितकं आरामदायी नसतं? तसेच ट्रेनपेक्षा बसचं भाडं देखील अधिक असतं. लांबच्या प्रवासासाठी जेव्हा तुम्ही बसचा पर्याय निवडता तेव्हा अनेक कारणानं ते गैरसोईचं ठरतं, कारण ट्रेनमध्ये ज्या सोई सुविधा तुम्हाला मिळतात, त्या बसच्या प्रवासामध्ये मिळत नाहीत, तसेच ट्रेनचा प्रवास हा कमी खर्चात अधिक आरामदायी होतो, तर बसता प्रवास हा ट्रेनच्या तुलनेत महाग आणि म्हणावा तितका आरामदायी नसतो, बसच्या प्रवासानं तुम्ही थकून जाता, त्यामुळे अनेकदा लांबच्या प्रवासासाठी ट्रेनचाच पर्याय निवडला जातो, आता तुम्ही म्हणाल की रेल्वे प्रवासापेक्षा विमानाचा प्रवास हा अधिक आरामदायी असतो, तसेच तुम्ही इच्छितस्थळी देखील लवकर पोहोचता, मात्र विमानाचा प्रवास खर्चाच्या दृष्टीने सर्वांनाच परवडेल असं नाही, विमानाचं भाडं हे खूप जास्त असतं, त्यामुळे आजच्या काळात सर्वसामान्य लोकांना प्रवासासाठी रेल्वेचा मोठा आधार असतो.
जगातील सर्वात जास्त मोठं रेल्वेचं जाळ जर कुठे असेल तर ते भारतामध्ये आहे, काठी अपवादात्मक ठिकाणं सोडले तर तुम्ही देशभरात कुठेही रेल्वेने प्रवास करू शकता, ते पण अगदी कमी खर्चामध्ये, सर्वसाधारपणे तुम्हाला कोणत्या ठिकाणावरून कुठे जायचं आहे? त्यावर ट्रेनच्या तिकिटाचे दर अवलंबून असतात, मात्र तुम्ही कधी असा विचार केला आहे का की जसं तुम्ही ट्रेनमध्ये तुमचं एक सीट आरक्षित करू शकता, तसं संपूर्ण ट्रेन बुक करू शकता का? आणि जर संपूर्ण ट्रेन बुक करायची असेल तर त्यासाठी साधारणपणे किती खर्च येतो? याच प्रश्नाचं उत्तर आपण आज जाणून घेणार आहोत.
तुम्ही संपूर्ण ट्रेन बुक करू शकता का? तर या प्रश्नाचं उत्तर आहे, तुम्ही संपूर्ण ट्रेन बुक करू शकता. आता जाणून घेऊयात की जर तुम्हाला संपूर्ण ट्रेन बुक करायची असेल तर त्यासाठी काय नियम आहेत आणि त्यासाठी किती खर्च येतो? जर तुम्हाला एक संपूर्ण ट्रेन बुक करायची असेल तर तुम्हाला 18 डब्यांच्या ट्रेनसाठी 9 ते 10 लाख रुपये इतका खर्च येतो. जर ट्रेनचे डबे अधिक असतील तर हे शुल्क प्रत्येक डब्याप्रमाणे वाढते. तुम्ही जेव्हा संपूर्ण ट्रेन बुक करता तेव्हा ती सात दिवसांठी बुक असते, सात दिवसांसाठी तुमच्याकडून संपूर्ण ट्रेनसाठी 9 ते 10 लाख रुपये भाडं आकारलं जातं. जर तुम्हाला संपूर्ण ट्रेन बुक करायची नसेल आणि एकच डबा बुक करायचा असेल तर त्यासाठी तुमच्याकडून 50 हजार रुपये इतकं भाडं आकारलं जातं. जर सात दिवसांपेक्षा अधिक दिवस वाढले तर त्यासाठी प्रति दिवस तुम्हाला एका कोचसाठी दहा हजार रुपये इतका चार्ज लागतो.
Leave a Reply