पुणे जिल्ह्यात क्रिकेट स्पर्धेच्या बॅनर लावण्याच्या वादातून दोन गटांमध्ये गोळीबार झाल्याची धक्कादायक घटना समोर आली आहे. शिरूर तालुक्यातील मांडवगण फराटा येथील भैरवनाथ मैदान परिसरात ही घटना घडली. मिळालेल्या माहितीनुसार, क्रिकेट स्पर्धेचा बॅनर लावण्यावरून दोन गटांमध्ये वाद निर्माण झाला होता. हा वाद मिटवण्यासाठी बैठकीचे आयोजन करण्यात आले होते. मात्र, बैठकीदरम्यानच दोन्ही गटांमध्ये पुन्हा वाद वाढला आणि तो चिघळत जाऊन गोळीबारापर्यंत पोहोचला. या घटनेमुळे परिसरात भीतीचे वातावरण निर्माण झाले असून, स्थानिकांमध्ये एकच खळबळ उडाली आहे. या प्रकरणी शिरूर पोलीस ठाण्यात दोन्ही गटांकडून परस्परविरोधी गुन्हे दाखल करण्यात आले आहेत. पोलिसांकडून पुढील तपास सुरू असून, संबंधितांवर कडक कारवाई करण्यात येणार असल्याचे सांगण्यात आले आहे.
Leave a Reply