पुणे महापालिकेकडून शहरातील अतिक्रमणांवर व्यापक कारवाईला सुरुवात करण्यात आली आहे. अनधिकृत बांधकामे आणि नियमबाह्य विस्तार यांच्यावर पालिकेने तोडक कारवाई सुरू केली आहे. या मोहिमेत पुण्यातील प्रसिद्ध रामेश्वरम कॅफेवरही कारवाई करण्यात आल्याची माहिती समोर आली आहे. संबंधित ठिकाणी परवानगीशिवाय उभारण्यात आलेले बांधकाम हटवण्यात आले आहे. महापालिकेच्या अधिकाऱ्यांनी सांगितले की, शहरातील विविध भागांमध्ये अनधिकृत हॉटेल्स आणि व्यावसायिक आस्थापनांवर लक्ष केंद्रित करण्यात आले आहे. नियमांचे उल्लंघन करणाऱ्यांवर कठोर कारवाई केली जाणार असून, अतिक्रमणमुक्त शहरासाठी ही मोहीम पुढेही सुरू राहणार आहे. या कारवाईमुळे व्यावसायिकांची चिंता वाढली आहे.
Leave a Reply