NZ vs AFG : अखेर 2 वर्षांनी हिशोब झालाच, न्यूझीलंडकडून परतफेड, अफगाणिस्तानवर 5 विकेट्सने मात

न्यूझीलंड क्रिकेट टीमने आयसीसी टी 20i वर्ल्ड कप 2026 स्पर्धेच्या मोहिमेची सुरुवात विजयाने केली आहे. न्यूझीलंडने या मोहिमेतील आपल्या पहिल्या सामन्यात अफगाणिस्तानवर मात केली. अफगाणिस्तानने चेन्नईतील एमए चिदंबरम स्टेडियममध्ये न्यूझीलंडसमोर 183 धावांचं आव्हान ठेवलं होतं. न्यूझीलंडने हे आव्हान 13 बॉलआधी 5 विकेट्स राखून पूर्ण केलं. न्यूझीलंडने 17.5 ओव्हरमध्ये विजयी धावा पूर्ण केल्या. न्यूझीलंडने या विजयासह अखेर 2 वर्षांची मोठी प्रतिक्षा संपवली. न्यूझीलंडने अफगाणिस्तानचा या विजयासह मोठा हिशोब केला.

अफगाणिस्तानने गेल्या टी 20i वर्ल्ड कप स्पर्धेत न्यूझीलंडचा एकतर्फी फरकाने धुव्वा उडवला होता. अफगाणिस्तानने न्यूझीलंडवर 7 जून 2024 रोजी झालेल्या सामन्यात 84 धावांनी मात केली होती. न्यूझीलंडला या पराभवाची गेल्या 2 वर्षभरापासून सल होती. अखेर न्यूझीलंडने अफगाणिस्तानचा कार्यक्रम करत हिशोब केला.