आधी भोंदू खरात प्रकरण, मग कथित नराधम पत्रकार रवींद्र एरंडे केस आणि आता नामवंत आयटी कंपनीच तरूणींचं, महिलांचं झालेलं लैंगिक शोषण व धर्मांतर… गेल्या काही दिवसांपासून नाशिक या घटनांमुळे चर्चेत आहे. एका आयटी कंपनीत घडलेल्या धर्मांतराचा प्रयत्न, तेथील तरूणींचं झालेलं लैंगिक शोषण, त्यांचं केलेले ब्रेनवॉश हे सगळंच हादरवणारं आहे. कंपनीतील 6 जणांना याप्रकरणी अटक करण्यात आली असून त्यामध्ये महिला एचआरचाही समावेश आहे. या कंपनीत हिंदू मुलींना टार्गेट करण्यात आल्याची धक्कादायक माहिती समोर आली असून त्यांना फसवण्यासाठी कसं षडयंत्र रचलं जायचं त्याचेही हादरवणारे डिटेल्स उघड झाले आहेत. या प्रकरणाचा तपास सुरू असून त्यातून आणखी बरेच धक्कादायक खुलासे होऊ शकतात.
या कंपनीतील विशिष्ट धर्माच्या तरुण-तरुणींनी संगनमत करून, इतर धर्मातील तरुणींना टार्गेट करण्यांचं षडयंत्र रचलं, त्यासठी त्यांनी काही गुप्त Whatsapp ग्रुप बनवले होते, अशीही माहिती एसआयटी (SIT) तपासात उघड झाली आहे. त्यातील एकेक डिटेल्स वाचून कोणाचंही डोकं चक्रावेल.
सभ्य वर्तनाने 20-22 वयोगटातील तरुणींना आकर्षित करण्याचा प्रयत्न
नाशिकच्या नामांकित कंपनीमध्ये तरुणी आणि महिलांचे अत्याचाराच्या गुन्ह्यांसंदर्भात आणखी धक्कादायक माहिती समोर आली आहे. या नामांकित कंपनीत विशिष्ट समुदायातील तरुण-तरुणींचा एक Whatsapp ग्रुप होता. त्यातून ते कोणत्या तरूणीला टार्गेट करायचं, जाळ्यात ओढायचं ते ग्रुपवर ठरवत असंत, त्यानुसार प्लान आखत असंत. मिळालेल्या माहितीनुसार, जे संशयित आरोप आहेत ते ऑफसीमध्ये अतिशय सभ्यपणे वागायचे आणि 20 ते 22 वयोगटातील काही तरूणींना आकर्षित करण्याचा प्रयत्न करून त्यांना जाळ्यात ओढायला बघायचे.
अशी होती मोडस ऑपरंडी
हे आरोपी त्या तरूणींशी खूप गोड बोलायचे, कौतुक करायचे, जेवणाच्या बहाण्याने बाहेर न्यायचे. त्यांना काही मदत करून मग ते त्यांच्याशी जवळीक साधायचे. तसेच कंपनीच्या मीटिंग कॉलमध्ये जर कामावरून काही प्रेशर असेल तर हे आरोपी दुसऱ्या Whatsapp ग्रुप मधून त्या तरुणी आणि महिलांना मदत करून विश्वास संपादन करण्याचा प्लान रचायचे. जर कोणाच टार्गेट पूर्ण झालं नाही तर ते त्या मुलींना अज्ञातस्थळी किंवा काही फ्लॅटमध्ये बोलावायचे आणि त्यांच्याशी गैरवर्तन करत होते , असं उघड झालं आहे. या आरोपींमध्ये फक्त तरूणांचा नव्हे तर मुलींचाही समावेश होता.
संशयित आरोपी या सगळ्या गोष्टी अगदी ठरवून करत होते, धार्मिक कट्टरवादी विचार करून एका विशिष्ट प्लानुसार धर्मांतराचा तगादा पीडित तरुणींसमोर लावत होते, असेही उघड झालं आहे. कंपनीतील तरुणांना अडकवण्यासाठी विशिष्ट धर्मातील Whatsapp ग्रुप मधून सर्व प्रकारचे प्रयत्न सुरू असल्याचंही पोलीस तपासात समोर आलं आहे. या कथित धर्मांतरणाविरोधात नाशिकच्या विविध पोलीस ठाण्यात एकूण 9 गुन्हे दाखल करण्यात आले आहेत. त्यामध्ये केवळ धर्मांतरच नव्हे तर जबरदस्तीने छेडछाड केल्याचे गंभीर आरोपही आहेत.
Leave a Reply