टी20 वर्ल्ड कप 2026 च्या फायनलमध्ये अहमदाबादच्या नरेंद्र मोदी स्टेडियमवर एमएस धोनीला पाहून खूप मस्त वाटलं, असं टीम इंडियाचे हेड कोच गौतम गंभीर यांनी म्हटलं आहे. भारताने रविवारी फायनलमध्ये न्यूझीलंडला 96 धावांनी हरवून तिसऱ्यांदा टी20 वर्ल्ड कप जिंकला. सलग दुसऱ्यांदा टी20 वर्ल्ड कप जिंकणारी टीम इंडिया क्रिकेट विश्वातील पहिली टीम आहे. त्याशिवाय तिसऱ्यांदा हा सन्मान मिळवलाय. कालच्या फायनल मॅचच्यावेळी स्टेडियममध्ये अनेक मान्यवर उपस्थित होते. आतापर्यंतच्या भारताच्या वर्ल्ड कप विजेत्या संघाचे कर्णधार कपिल देव, एमएस धोनी आणि रोहित शर्मा हे तिघे तिथे हजर होते.
वर्ल्ड कप विजयानंतर विकेटकीपर आणि टीम इंडियाचा माजी कर्णधार एमएस धोनीने इन्स्टाग्रामवर टीमच्या अभिनंदनाची एक पोस्ट केली. यात त्याने हेड कोच गौतम गंभीरला जास्त हसण्याचा सल्ला दिला. हास्य तुझ्या चेहऱ्यावर चांगलं दिसतं असं तो गंभीरला म्हणाला. कोच साहब हास्य तुमच्या चेहऱ्यावर सुंदर दिसतं असं धोनीने त्याच्या कॅप्शनमध्ये म्हटलं होतं. आज दुपारी गौतम गंभीरने कमेंट सेक्शनमध्ये त्यावर प्रतिक्रिया दिली आहे. वर्ल्ड कप विजय हे हास्याचं एक मोठ कारण आहे. त्यात गंभीर यांनी धोनीला पाहून छान वाटलं असही लिहिलय. हसण्यासाठी सुद्धा काय कारण आहे, तुला पाहून छान वाटलं असं गंभीरने कमेंट सेक्शनमध्ये लिहिलय.
View this post on Instagram
काही जणांची पूजा करणं पटत नाही
टीम इंडियातून एकत्र खेळताना भारताच्या विजयासाठी गौतम गंभीर आणि एमएस धोनी यांनी आतापर्यंत अनेक भागीदाऱ्या केल्या आहेत. खासकरुन लक्षात राहण्यासारखी पार्टनरशिप म्हणजे श्रीलंकेविरुद्ध 2011 वर्ल्ड कप फायनलमधील. दोघांमधलं जे नातं आहे, त्याची नेहमीच चर्चा होते. टीममधील काही जणांची पूजा करणं पटत नाही हे गंभीर जाहीरपणे बोलला होता. हे दोघे जेव्हा सार्वजनिक ठिकाणी दिसतात, तेव्हा एकमेकांशी हास्यविनोदातून हसून खेळून बोलताना दिसतात.
Gauti
फायनलमध्ये न्यूझीलंडची लास्ट विकेट गेल्यानंतर रोहित आणि धोनीला झालेला आनंद सर्व काही सांगून गेला. त्यांनी सुद्धा टीम इंडियाचा वर्ल्ड कप विजय सेलिब्रेट केला.
Leave a Reply