अमेरिका, इस्रायल आणि इराणमधील संघर्षामुळे जागतिक बाजारात खनिज तेलाचे दर सोमवारी प्रतिबॅरल 120 डॉलरपर्यंत पोहोचलं. याचे पडसाद जगभरातील भांडवली बाजारात उमटले. मुंबई शेअर बाजारातही मोठी घसरण झाली. रुपयाही आता नीचांकी पातळीवर पोहोचला आहे. आंतरराष्ट्रीय बाजारात कच्च्या तेलाचे दर वाढले असले तरी देशभरात पेट्रोल आणि डिझेलच्या दरात वाढ केली जाणार नाही, असं सरकारी सूत्रांनी सांगितलं आहे. तर साठेबाजी रोखण्यासाठी घरगुती एलपीजी सिलेंडर नोंदणीसाठी किमान प्रतीक्षा कालावधी 21 दिवसांवरून 25 दिवसांपर्यंत वाढवण्यात आला आहे. दरम्यान इराणबरोबरील युद्ध थांबविण्याचा निर्णय नेतान्याहू यांच्याशी चर्चा करून घेतला जाईल, असं वक्तव्य अमेरिकेचे अध्यक्ष डोनाल्ड ट्रम्प यांनी केलं. अशातच रशियाचे अध्यक्ष व्लादिमिर पुतिन यांनी इराणला पाठिंबा दिला. यासह महाराष्ट्र, देश विदेश, क्रीडा, मनोरंजन क्षेत्रातील प्रत्येक महत्वाच्या बातमीचे अपडेटस जाणून घेण्यासाठी दिवसभर टीव्ही9 मराठीचा हा ब्लॉग फॉलो करा.
Leave a Reply