इराणला करार करण्यासाठी दिलेली मंगळवारची मुदत वाढवली जाणार नसल्याचं अमेरिकेचे अध्यक्ष डोनाल्ड ट्रम्प यांनी जाहीर केलं. तसंच इराणने दिलेला शांतता प्रस्ताव पुरेसा नसल्याचं नमूद केलं. होर्मुझची सामुद्रधुनी खुली करण्यासाठी अंतिम मुदत पाळली गेली नाही तर अमेरिका इराणचे ऊर्जा प्रकल्प आणि पायाभूत सुविधांवर हल्ले करेल, या इशाऱ्याचा ट्रम्प यांनी पुनरुच्चार केला. इराणला एका रात्रीत संपवू आणि ती रात्र आजची असेल, अशी धमकी ट्रम्प यांनी दिली. दुसरीकडे इराणने युद्ध समाप्तीचा प्रस्ताव फेटाळला. पुन्हा आमच्यावर हल्ला होणार नाही अशी हमी मिळाली तरच युद्ध समाप्ती स्वीकारू, असं इजिप्तमधील इराणी दूतावासाचे प्रमुख मोजतबा फरदौसी पोर यांनी सांगितलं. इराणने शस्त्रसंधीबाबत आपली भूमिका पाकिस्तानला कळवताना थेट अमेरिकेशी चर्चेस नकार दिला. प्रस्तावित शस्त्रसंधीचा कालावधी 45 दिवसांचाच असेल तर होर्मुझची सामुद्रधुनी खुली करण्याची मागणीही इराणने फेटाळली. यासह राज्यातील इतर घडामोडी, देश-विदेश, मनोरंजन, क्रीडा क्षेत्रातील अपडेट्स जाणून घेण्यासाठी हा ब्लॉग फॉलो करा.
Leave a Reply