भोंदूबाबा अशोक खरात याचा पाय अजून खोलात गेला आहे. त्याच्यामागे चौकशीचा ससेमिरा सुरूच आहे. हेल्पलाईन क्रमांकामुळे अनेक महिला त्याच्याविरोधात तक्रारीसाठी सरसावल्या आहेत. खरात विरोधात अगोदर 8 गुन्हे दाखल आहेत. आता त्याच्याविरोधात आणखी दोन गुन्हे दाखल झाले आहेत. त्याच्याविरोधात ईडीसह इतर तपास यंत्रणाही उतरल्या आहेत. त्यामुळे अशोक खरात याला मोठा झटका बसला आहे. त्याच्याविरोधात सातत्याने नवनवीन तक्रारी समोर येत आहे. तर राष्ट्रवादी काँग्रेसच्या नेत्या रुपाली चाकणकर यांना अगोदर महिला आयोगाच्या अध्यक्ष पदावरून पाय उतार व्हावे लागले होते. आता त्यांनी पक्षाच्या महिला प्रदेशाध्यक्ष पदाची ही राजीनामा दिला आहे. तर दुसरीकडे ट्रान्सजेंडरसोबतच्या व्हिडिओप्रकरणात मंत्री नरहरी झिरवळ यांचा तुर्तास राजीनामा होणार नसल्याचे समोर आले आहे. काल मुख्यमंत्र्यांनीच याविषयीचे संकेत दिले होते. तर राष्ट्रवादीने सुद्धा त्यांना अभय दिल्याचे समोर येत आहे. आखाती युद्धाला तात्पुरता ब्रेक लागला आहे. तर राज्यातील काही पेट्रोल पंप पुन्हा सुरू झाले आहेत. तर इंधनाअभावी काही पेट्रोल पंप बंद पडले आहेत. त्यामुळे ग्राहकांची तारांबळ उडाली आहे. पेट्रोल-डिझेलच्या किंमती राज्यात स्थिर आहेत. उत्पादन शुल्कात कपातीनंतर ग्राहकांना मोठा दिलासा मिळाला आहे. राज्यातील ठळक बातम्यांची अपडेट या लाईव्ह ब्लॉगमध्ये वाचा.
Leave a Reply