आज मुंबईकरांना दुहेरी संकटांचा सामना करावा लागणार आहे. एकीकडे वाढत्या तापमानामुळे शहरात उष्णतेची लाट जाणवत आहे, तर दुसरीकडे रेल्वेच्या तांत्रिक कामांसाठी मध्य, पश्चिम आणि हार्बर या तिन्ही मार्गांवर मेगाब्लॉक जाहीर करण्यात आला आहे, ज्याचा मोठा फटका आज प्रवासाला निघणाऱ्या नागरिकांना बसणार आहे. तर राजकीय वर्तुळात बारामती विधानसभा पोटनिवडणुकीच्या रणधुमाळीला वेग आला आहे. महायुतीच्या उमेदवार सुनेत्रा पवार आज सकाळी बारामतीतील कन्हेरी येथे दिवंगत उपमुख्यमंत्री अजित पवार यांच्या स्मृतिस्थळाला अभिवादन करून आपल्या प्रचार मोहिमेचा नारळ फोडतील. या प्रचार शुभारंभाला महायुतीचे दिग्गज नेते आणि मंत्री उपस्थित राहणार आहे. त्यामुळे बारामतीमध्ये आज मोठी राजकीय शक्तीप्रदर्शनाची शक्यता आहे. यांसह आजच्या दिवसभरातील सर्व ताज्या घडामोडींसाठी लाइव्ह ब्लॉग अपडेट्स नक्की पाहा
Leave a Reply