LPG सिलेंडर विकत घेताना विसरू नका हे 3 ‘गोल्डन रूल्स’, घाईघाईत कराल मोठी चूक

LPG Cylinder Delivery Safety Tips : मध्यपूर्वेत सुरू असलेल्या युद्धामुळे जगभरात इंधन संकट असून भारतातही इंधनाचा, एलपीजीचा तुटवडा दिसून येत आहे. एलपीजीच्या क्रायसिसच्या पार्श्वभूमीवर, केंद्र सरकार आणि सरकारी तेल मार्केटिंग कंपन्या ग्राहकांना एलपीजीबद्दल सातत्याने जागरूक करत आहेत. एलपीजीचा पुरवठा सामान्य आहे असं आश्वासन ऑईल मार्केटिंग कंपन्या ग्राहकांना सातत्याने देत असून आपल्या गरजेनुसार घरबसल्या सिलेंडर बुक करावेत, असंही आवाहन करण्यात येत आहे. दरम्यान, या संदर्भात, भारत पेट्रोलियमने दिलेल्या माहितीनुसार, एलपीजी सिलेंडरची डिलिव्हरी मिळाल्यानंतर ग्राहकांनी काही महत्त्वाच्या गोष्टी लक्षात ठेवल्या पाहिजेत. जर तुम्ही सिलेंडर बुक केला असेल आणि तुम्हाला वेळेवर डिलिव्हरी मिळणार असेल, तर घाईघाईने सिलेंडर घेणे टाळा. Bharat Petroleum च्या सांगण्यानुसार, LPG सिलेंडर घेताना ग्राहकांनी काही गोष्टींची काळजी घेतली पाहिजे. त्यामुळे सिलेंडर घेताना 3 गोल्डन रूल्स नेहमी लक्षात ठेवा, अन्यथा तुमचं नुकसान होऊ शकतं.

नेहमी लक्षात ठेवा या गोष्टी

सिलेंडरचं वजन

एलपीजी सिलेंडर खरेदी करताना पहिली आणि सर्वात महत्त्वाची गोष्ट करायची, ती म्हणजे त्याचं वजन तपासणं. सिलेंडरची डिलिव्हरी झाल्यावर, तुम्ही डिलिव्हरी करणाऱ्या व्यक्तीला सिलेंडर वजनकाट्यावर तोलण्यास सांगू शकता. यामुळे पूर्ण प्रमाणात गॅस मिळतो की नाही ते नीट कळतं आणि त्यात कोणतीही कमतरता राहिली नाही ना याची खात्री होते. ग्राहक अनेकदा याकडे दुर्लक्ष करतात, पण त्यामुळे कमी गॅस मिळून नुकसान होऊ शकतं.

गॅस लीकेज

सिलेंडरची डिलिव्हरी स्वीकारण्यापूर्वी, गॅस गळती किंवा लीकेड होत नाहीये ना हे नीट तापसून खात्री करून घ्या. हे करण्यासाठी, गॅसचा रेग्युलेटर बसवण्यापूर्वी येणारा कोणताही हलका वास किंवा आवाजाकडे लक्ष द्या. जर तुम्हाला गॅसचा वास येत असेल किंवा कोणतीही संशयास्पद परिस्थिती वाटली, तर सिलेंडर घेण्यास ताबडतोब नकार द्या आणि संबंधित डिलिव्हरी एजंटला लगेच कळवा. गॅस गळती हा एक गंभीर धोका आहे. ज्यामुळे आग लागण्याचा किंवा अपघात होण्याचा धोका वाढतो.

कॅश मेमोनुसार पेमेंट

एलपीजी सिलेंडर खरेदी करताना लक्षात ठेवण्याची तिसरी महत्त्वाची गोष्ट म्हणजे, तुमच्या कॅश मेमोवर (पावतीवर) जो आकडा लिहीलेला असेल, नेमकी तेवढीच रक्कम द्यावी. काहीवेळा असं होतं की लोकं पावती नीट न तपासता पैसे देतात, ज्यामुळे जास्त पैसे आकारले जाऊ शकतात. म्हणूनच, डिलिव्हरी झाल्यावर बिल नक्की तपासा आणि त्यानुसारच पैसे द्या. यामुळे पारदर्शकता टिकून राहते आणि फसवणूकही टाळता येते.

Source link