प्रेम ही खूप सुंदर भावना, अनुभव असतो. पण प्रेम निभावणं ही सर्वात कठीण गोष्ट आहे. काही जोडप्यांचं प्रेम हे पूर्णत्वाला जातं, तर काहींचा प्रेमाचा डाव हा अर्ध्यावरच मोडतो. प्रेम निभावणं हे जितकं चॅलेंजिंग आहे, तितकच प्रेम भंगाचं दु:ख पचवणं. त्यातूनच माणसाच्या स्वभावात एक कणखरपणा येतो. पण सगळेच इतक्या मजबूत ह्दयाचे नसतात, काहींना जमतं, काहींना नाही जमतं. असचं प्रेम भंगाचं दु:ख एका युवकाला पचवता आलं नाही. त्याने टोकाचं पाऊल उचललं, ज्यामुळे सगळेच हळहळले. मजबूत शरीराचा पण कमजोर मनाचा अशीच भावना सगळे व्यक्त करतायत.
एक 26 वर्षाचा जीम ट्रेनर एका युवतीच्या प्रेमात होता. त्याने तिच्यासोबत सुखा संसाराची स्वप्न रंगवली होती. पण अचानक एक दिवस त्याला समजलं, तिचं दुसऱ्याकोणासोबत तरी लग्न ठरलय. हा धक्का त्याला सहन झाला नाही. त्याने स्वत:च आयुष्य संपवलं. उत्तर बंगळुरुमध्ये शनिवारी संध्याकाळी ही मनाला वेदना देणारी घटना घडली. किरण असं मृत तरुणाचं नाव असून तो महालक्ष्मी ले आऊट येथे रहायला होता.
तो उद्धवस्त झाला
किरणच्या मृत्यूपश्चात एक चिठ्ठी सापडली. त्यात त्याने प्रेयसी आणि तिच्या आईला मृत्यूसाठी जबाबदार धरलं आहे. किरण तीन वर्षांपासून त्या मुलीच्या प्रेमात होता. शनिवारी संध्याकाळी राहत्या घरी किरणने जीवन संपवलं. किरण ज्या मुलीवर प्रेम करत होता, तिचं साखरपुडा झाला होता. तिच्या लग्नाची साडी आणि निमंत्रण पत्र पाहिल्यापासून किरण मागच्या दोन आठवड्यांपासून खूप अस्वस्थ होता, असं कुटुंबियांना पोलिसांना सांगितलं. त्याने तिच्यासोबत व्हॅलेंटाइन्स डे साजरा करायचा, तिला गिफ्ट द्यायचं प्लानिंग केलेलं. पण तिच्या लग्नाची बातमी आल्यानंतर तो उद्धवस्त झाला.
तुला का हवय पेन?
संध्याकाळी घरी आल्यानंतर किरणने त्याच्या आईकडे सफेद कागद आणि पेन मागितलं. आईला संशय आला. तिने किरणला विचारलं, तुला का हवय पेन?. त्यावर त्याने तू काळजी करु नकोस. मला आर्थिक गोष्टी लिहून काढायच्या आहेत असं उत्तर दिलं. नंतर बराच वेळ झाला, तरी त्याने खोलीचा दरवाजा उघडला नाही. कुटुंबियांनी दरवाजा तोडून आत प्रवेश केला, तेव्हा किरण मृतावस्थेत आढळला.
Leave a Reply