What Junior G Actor Abhishek Kochhar Doing : कधीकाळी 90 च्या दशकात मुकेश खन्ना यांची ‘शक्तिमान’ ही मालिका संपूर्ण देशात प्रसिद्ध होती. या मालिकेत मुखेश खन्ना यांनी शक्तिमानची भूमिका साकारली होती. ही मालिका सुरू झाल्यावर लहान मुलांपासून ते ज्येष्ठांपर्यंत सगळेजण दुरदर्शन सुरू करून बसायचे. त्यानंतर 2001 साली शक्तिमानला टक्कर देणारी ‘ज्यूनियर जी’ ही मालिका आली. या मालिकेलाही लोकांनी अक्षरश: डोक्यावर घेतलं. या मालिकेत अभिनेता अमितेश कोचर यांने ज्यूनियर जीची भूमिका साकारली होती. त्याने साकारलेल्या सुपरहिरोच्या भूमिकेच्या अनेकजण प्रेमात पडले होते. दरम्यान, आता हाच ज्यूनियर जी म्हणजेच अमितेश कोचर मात्र अभिनय क्षेत्रापासून खूप दुर आहे. तो नेमका कुठे आहे? ते नेमका कसं आयुष्य जगतोय? याबाबत महत्त्वाची माहिती समोर आली आहे.
ज्यूनियर जी आता नेमकं काय करतो?
ज्यूनियर जी या मालिकेत भूमिका केल्यामुळे अमितेश कोचर तेव्हा रातोरात स्टार झाला होता. या मालिकेत काम करत असताना तो अवघ्या 12 ते 13 वर्षांचा होता. आता मात्र तो अभिनयापासून खूप दूर आहे. ज्यूनियर जी या मालिकेत त्याने बालकलाकार म्हणून ‘गौरव’ची भूमिका साकारली होती. ज्यूनियर जी या मालिकेतील गौवर म्हणजेच ज्यूनियर जी आता खूप मोठा झाला आहे. तो एक ट्रॅव्हलर आहे. त्याला फिरायला खूप आवडतं.
ज्यूनियर जीचे आहे यूट्यूब चॅनेल
त्याच्या सोशल मीडिया खात्यावर नजर टाकली तर त्याच्या फिरण्याच्या आवडीविषयी तुम्हाला समजेल. त्याचे एक यूट्यूब चॅनेलही आहे. फिरायला गेल्यानंतर तो तेथील व्लॉग्स आपल्या या चॅनेलवर अपलोड करतो. त्याच्या यूट्यूब चॅनेलचे नाव ‘Amitesh Vlogs’ असे आहे. विशेष म्हणजे अमितेशचे लग्नही झालेले आहे. अेक व्लॉग्समध्ये तो आपल्या पत्नीसोबतही दिसतो. त्याला पाळीव प्राणी खूप आवडतात. त्याच्याकडे एक कुत्रा आहे. त्या कुत्र्यावर तो खूप प्रेम करतो.
दरम्यान, लहानपणी साकारलेल्या भूमिकेमुळे प्रसिद्धीच्या झोतात आलेला हा अमितेश आता मात्र बॉलिवुडमध्ये सक्रिय नाही. त्याला मनमुराद आयुष्य जगायला आवडते. आपल्या काही ब्लॉग्समध्ये तो ज्यूनियर जी या मालिकेबद्दल बोलतानाही तुम्हाला दिसेल.
Leave a Reply