मध्य पूर्वेत मोठा तणाव निर्माण झाला आहे. इस्त्रायल आणि अमेरिकेकडून इराणवर हल्ले सुरूच आहे. या हल्ल्यांमध्ये इराणचं मोठं नुकसान झालं आहे. मात्र तरी देखील इराण माघार घेण्यास तयार नाहीये. दुसरीकडे इराणने आपल्या मिसाईल हल्ल्यांनं अमेरिका आणि इस्त्रालयच्या मनात चांगलीच धडकी भरवली आहे. इराणकडून मिसाईल हल्ले सुरूच असून, यामुळे अमेरिकेचं मोठं नुकसान झालं आहे. दरम्यान गेल्या काही दिवसांपासून अमेरिकेचे राष्ट्राध्यक्ष डोनाल्ड ट्रम्प यांच्याकडून ज्या प्रकारची वक्तव्य करण्यात येत आहेत, त्यावरून असा अंदाज व्यक्त केला जात आहे की, अमेरिकेला हे युद्ध आता लवकरात लवकर संपवायचं आहे. इराणने अमेरिकेच्या नाकेनऊ आणले आहेत. इराणचे मिसाईल हल्ले थांबवण्यासाठी आता अमेरिकेनं मोठा निर्णय घेतला आहे, तो म्हणजे दक्षिण कोरियातील थाड एअर सिस्टम हळुहळु हलवण्यास अमेरिकेनं सुरुवात केली आहे. ही थाड यंत्रणा आता मध्य पूर्वेत तैनात करण्यात येणार आहे. यावरून हे स्पष्ट दिसत आहे, की अमेरिकेनं या युद्धाबाबत जो विचार केला होता, तसं घडताना दिसून येत नाहीये. दरम्यान हे युद्ध सुरू असतानाच आता जगाचं टेन्शन वाढवणारी बातमी समोर आली आहे.
इराणने होर्मुजची सामुद्रधुनी बंद करून डोनाल्ड ट्रम्प यांच्यावरील दबाव वाढवला आहे. मात्र यामुळे जगभरात मोठी इंधनटंचाई निर्माण झाली आहे. अनेक देशांमध्ये पेट्रोल,डिझेलचे दर हे गगनाला भिडले आहेत. पेट्रोल, डिझेलच्या दरात प्रचंड वाढ झाली आहे. मात्र आता जगातील अनेक देशांवर एक भीषण संकट येण्याची शक्यता आहे. इराणकडून जगाला नवा इशारा देण्यात आला आहे. इराणच्या या इशाऱ्यामुळे जगभरात मोठी खळबळ उडाली आहे. इराणच्या सैन्य कमांडकडून जगाला मोठा इशारा देण्यात आला असून, कच्च्या तेलाचे दर प्रति बॅरल 200 डॉलरवर पोहोचतील असं इराणने म्हटलं आहे. इराणच्या या नव्या इशाऱ्यामुळे अनेक देशांची झोप उडाली आहे. जर कच्च्या तेलाचे दर प्रति बॅरल 200 डॉलरवर पोहोचले तर जगभरात पेट्रोल, डिझेलच्या दरात प्रचंड वाढ होण्याची शक्यता आहे.
रॉयटर्स वृत्त संस्थेच्या एका रिपोर्टनुसार इराणच्या खातम अल-अंबिया सैन्य मुख्यालयाचे प्रवक्ता इब्राहिम जोलफाकरी यांनी यासंदर्भात बोलताना हा इशारा दिला आहे. जागाला आता कच्च्या तेलासाठी प्रति बॅरल 200 डॉलर मोजण्याची तयारी ठेवावी लागणार आहे. इराणच्या या इशाऱ्यामुळे जगाची झोप उडाली आहे. जर कच्च्या तेलाच्या किमती वाढल्या तर पेट्रोल-डिझेलचे दर गगनाला भिडण्याची शक्यता आहे.
Leave a Reply