अमेरिका, इस्त्रायल आणि इराणमध्ये भीषण युद्ध सुरू आहे. अमेरिका आणि इस्त्रायलकडून इराणवर हल्ले सुरू आहेत. आज युद्धाचा सहावा दिवस आहे. मात्र या युद्धामध्ये इराण एकटं पडल्याचं चित्र आहे. तर दुसरीकडे अमेरिका आणि इस्त्रायलला अनेक देशांनी पाठिंबा दिला आहे. युद्धाच्या दुसऱ्याच दिवशी अमेरिका आणि इस्त्रायलने केलेल्या हल्ल्यामध्ये इराणचे सर्वोच्च नेते अयातुल्ला अली खामेनेई यांचा मृत्यू झाला आहे. तर मंगळवारी भारतामधून इराणकडे निघालेल्या इराणच्या युद्धनौकेवर अमेरिकेच्या पाणबुडीने हल्ला केला, या हल्ल्यामध्ये 87 जणांचा मृत्यू झाल्याची माहिती समोर येत आहे.
दरम्यान या घटनेला 24 तास उलटत नाहीत तोच इराणने या हल्ल्याचा बदला घेलता आहे, इराणने अमेरिकेच्या जहाजावर मिसाईल हल्ला केला. मिसाईल हल्ल्यानंतर अमेरिकेच्या जहाजाला आग लागल्याचा दावा इराणकडून करण्यात आला आहे. मात्र या घटनेवर अमेरिकेकडून अद्याप कोणतीही प्रतिक्रिया देण्यात आलेली नाही. दरम्यान चीन आणि रशिया हे इराणचे मित्र देश आहेत. या दोन्ही देशांनी जरी युद्धात प्रत्यक्ष भाग घेतला नसला तरी देखील त्यांनी अमेरिका आणि इस्त्रायलकडून इराणवर सुरू असलेल्या या हल्ल्यांचा निषेध केला आहे. आता या सर्व पार्श्वभूमीवर एक मोठी बातमी समोर येत आहे.
ती म्हणजे रशियाने इराणला आपला पाठिंबा जाहीर केला आहे. भारतामधील रशियाचे राजदूत डेनिस अलीपोव यांनी याबाबत बोलताना मोठं विधान केलं आहे. आम्ही इराण आणि तेथील नागरिकांसोबत संपूर्ण निष्ठेनं उभे आहोत. रशियाचे राष्ट्रपती व्लादिमीर पुतिन यांची देखील हीच भूमिका असून, त्यांनी इराण प्रती आपली संवेदना व्यक्त केली आहे. इस्त्रायल आणि अमेरिका यांनी इराणवर हल्ला करून आंतरराष्ट्रीय कायद्यांचं उल्लंघन केलं आहे. आम्ही दोन्ही देशांकडे अशी मागणी करतो की, त्यांनी लवकरात लवकर हे हल्ले थांबून चर्चेच्या टेबलावर वापस यावं या प्रकरणावर शांततेच्या मार्गाने तोडगा निघावा, अशी आमची इच्छा असल्याचं रशियाकडून स्पष्ट करण्यात आलं आहे.
Leave a Reply