टीम इंडियाने सूर्यकुमार यादव याच्या नेतृत्वात न्यूझीलंड विरुद्ध सलग 3 सामने जिंकून मालिका आपल्या नावावर केली. तर न्यूझीलंडने चौथ्या सामन्यात विजयाचं खातं उघडलं. आता या 5 सामन्यांच्या मालिकेतील फायनल मॅचचं आयोजन हे तिरुवनंतरपुरममधील ग्रीनफिल्ड आंतरराष्ट्रीय स्टेडियममध्ये करण्यात आलं आहे. दोन्ही संघांचा हा आयसीसी टी 20I वर्ल्ड कप 2026 स्पर्धेआधीचा शेवटचा सामना आहे. त्यामुळे दोघांमध्येही हा सामना जिंकण्याची चुरस आहे. अशात आता टीम इंडिया ही मालिका 4-1 अशा फरकाने जिंकणार की न्यूझीलंड सीरिजचा शेवट 3-2 ने करण्यात यशस्वी ठरणार? याकडे क्रिकेट चाहत्यांचं लक्ष असणार आहे. या सामन्यातील प्रत्येक अपडेट या लाईव्ह ब्लॉगद्वारे जाणून घेणार आहोत.
Leave a Reply