इराण विरुद्ध इस्रायल-अमेरिका युद्ध सुरु आहे. त्याचा परिणाम आता सर्वसामान्यांना जाणवू लागला आहे. कारण इराणने आपल्या बचावाच्या रणनितीसाठी आखाती देशांमधील तेल रिफायनरीजवर हल्ले सुरु केले आहेत. त्यामुळे भारताचे मुख्य ऊर्जा पुरवठादार असलेल्या देशांच्या काही रिफायनरीज बंद आहेत. त्याशिवाय इराणकडून स्ट्रेट ऑफ होर्मुजमधून वाहतून करणाऱ्या जहाजांना लक्ष्य करण्यात येत आहे. या दोन कारणांमुळे पुढच्या काही दिवसात तेल आणि LPG गॅसचं संकट अधिक गंभीर होण्याचा धोका आहे. भारताचं तेल आणि LPG दोन्ही मोठ्या प्रमाणात स्ट्रेट ऑफ होर्मुजमधून येतं. या संकटाच्या पार्श्वभूमीवर अमेरिकेने भारताला रशियाकडून 30 दिवस तेल विकत घेण्याची परवानगी दिली आहे.
त्यानुसार भारताने रशियाकडून तेल खरेदी सुरु केल्याची माहिती आहे. भारताने रशियाकडू 30 मिलियन बॅरल तेल विकत घेतलं आहे. म्हणजे 3 कोटी बॅरल तेलाची खरेदी केली आहे. ब्लूमबर्गने सूत्रांच्या हवाल्याने ही माहिती दिलीय. टाइम्स ऑफ इंडियाने हे वृत्त दिलं आहे. ऊर्जा संकटाची चाहूल लागताच भारतीय तेल कंपन्यांनी आशियाई समुद्रात उभ्या असलेल्या कार्गोकडून लगेच तेल खरेदी सुरु केली. रशियाकडून सवलतीच्या दरात तेल मिळत असल्याने भारताने मागच्या काही महिन्यात रशियाकडून रेकॉर्ड तेल खरेदी केली आहे. भारताच्या तेल खरेदीमुळे रशियाला युक्रेन विरुद्ध युद्ध लढण्यासाठी बळ मिळतं. त्यामुळे अमेरिकेने भारतावर अतिरिक्त 25 टक्के टॅरिफ लावला होता.
त्यानंतर हा टॅरिफ मागे घेण्यात आला
काही दिवसांपूर्वी भारत-अमेरिकेमध्ये ट्रेड झाली. त्यानंतर हा टॅरिफ मागे घेण्यात आला. त्यावेळी भारताने रशियाकडून तेल खरेदी करायची नाही असं ठरल्याचं अमेरिकेकडून सांगण्यात येतं. भारताने मात्र आपण रशियाकडून तेल खरेदी थांबवल्याचं कुठेही म्हटलं नाही. उलट अमेरिकाच स्वत:चे दावे स्वत: करत होती. आता इराण विरुद्ध युद्धामुळे निर्माण झालेल्या परिस्थितीच्या पार्श्वभूमीवर अमेरिकेने भारताला रशियाकडून तेल खरेदीची परवानगी दिली आहे. स्ट्रेट ऑफ हॉर्मुझ इराणने बंद केल्यामुळे भारताची तेल आणि LPG गॅसची आयात थांबली आहे. जगातील 20 टक्के कच्चा तेलाची वाहतूक स्ट्रेट ऑफ होर्मुजमधून होते. भारताचं जवळपास 40 टक्के कच्चं तेल याच स्ट्रेट ऑफ होर्मुजमधून येतं.
Leave a Reply