टीम इंडियाने आयसीसी टी 20i वर्ल्ड कप 2026 स्पर्धेत विजयी सलामी दिली आहे. टीम इंडियाने सूर्यकुमार यादव याच्या नेतृत्वात मुंबईतील वानखेडे स्टेडियममध्ये यूनायटेड स्टेट ऑफ अमेरिकेवर 29 धावांनी मात केली आहे. टीम इंडियाने सूर्याच्या झुंजार खेळीच्या जोरावर यूएसएसमोर 162 धावांचं आव्हान ठेवलं होतं. यूएसएच्या फलंदाजांनीही या धावांचा पाठलाग करताना चांगली झुंज दिली. त्यामुळे यूएसएही सामना जिंकू शकते, असं चित्र काही वेळ पाहायला मिळत होतं. मात्र भारताच्या चिवट आणि धारदार गोलंदाजीसमोर यूएसएला विजय काही मिळवता आला नाही. भारताच्या गोलंदाजांसमोर यूएसएला 20 ओव्हरमध्ये 8 विकेट्स गमावून 132 धावापर्यंतच पोहचता आलं. भारताने अशाप्रकारे वर्ल्ड कप मोहिमेची सुरुवात विजयाने केली.
Leave a Reply