IND vs PAK : टीम इंडियाला हा पाकिस्तानी बॉलर हैराण करणार, नामीबिया विरुद्ध मॅचमधून धोकादायक इशारा

भारतीय क्रिकेट टीमसाठी टी20 वर्ल्ड कप 2026 ची सुरुवात चांगली झाली आहे. ग्रुप स्टेजमधले दोन्ही सामने जिंकून टीम इंडियाने सुपर-8 राऊंडमध्ये आपलं स्थान जवळपास पक्क केलं आहे. दोन्ही सामने जिंकले असले तरी टीम इंडियाच प्रदर्शन अपेक्षेनुसार झालेलं नाही. खासकरुन फलंदाजांनी दोन्ही सामन्यात वेगवेगळ्या प्रसंगात निराश केलं. नामीबिया विरुद्ध एका गोलंदाजाने अशा पद्धतीने हैराण केलं जो, पाकिस्तान विरुद्ध सामन्याआधी गंभीर इशारा आहे. भारत-नामीबियामध्ये नवीन दिल्लीत झालेला सामना टीम इंडियाने 93 धावांनी जिंकला. हा विजय इतका मोठा आहे की, समोरच्याला पाहणाऱ्याला असं वाटेल की, टीम इंडियाला कुठलीच अडचण आली नसेल. टीम इंडियाने 209 धावांचा डोंगर उभारला. प्रतिस्पर्धी नामीबियाचा डाव 116 धावांवर आटोपला. इतका मोठा स्कोर आणि एक सोपा विजय जरी वाटत असला, तर हा सामना टीम इंडियाच्या फलंदाजांसाठी एक गंभीर इशारा आहे.

नामीबिया विरुद्ध टीम इंडियाने मोठा स्कार उभारला पण त्यांचा कॅप्टन गेरहार्ड इरासमसने भारतीय फलंदाजांना खूप हैराण केलं. इरासमसने 4 ओव्हरच्या स्पेलमध्ये 20 धावा देऊन 4 विकेट काढले. यात दोन विकेट एकाच ओव्हरमध्ये काढल्या. संपूर्ण डावात नामीबियाच्या अन्य गोलंदाजांची धुलाई सुरु होती. पण ऑफ ब्रेक बॉलिंग करणाऱ्या इरासमसने भारतीय फलंदाजांना लगाम घातला. त्याने इशान किशन, तिलक वर्मा, हार्दिक पंड्या आणि अक्षर पटेल यांच्या विकेट काढल्या.

Action पारंपरिक स्पिनर प्रमाणे हाय आर्म नाहीय

इरासमस विरुद्ध टीम इंडियाने केलेल्या प्रदर्शनाचा पाकिस्तानशी काय संबंध? असा तुम्ही विचार करत असाल, तर ही गोष्ट समजून घ्या. नामीबियाचा कॅप्टन ज्या Action ने गोलंदाजी करतो, एकदम तशाच गोलंदाजाचा सामना भारतीय फलंदाजांना पाकिस्तान विरुद्ध करायचा आहे. गेरहार्ड इरासमसची Action पारंपरिक स्पिनर प्रमाणे हाय आर्म नाहीय. तो साइड आर्म किंवा स्लिंग स्टाइलमध्ये गोलंदाजी करतो. यात चेंडू डोक्यावरुन टाकण्याऐवजी साइडने टाकला जातो. टीम इंडियामध्ये अशी गोलंदाजी केदार जाधव करायचा. आता रियान पराग आहे.

जास्त आव्हानात्मक गोलंदाज

इरासमसच्या ऑफ स्पिन गोलंदाजीने भारतीय फलंदाजांना खूप हैराण केलं. 15 फेब्रुवारीला कोलंबोच्या प्रेमदासा स्टेडियमवर भारत विरुद्ध पाकिस्तान सामना होणार आहे. त्यावेळी टीम इंडियाचा सामना इरासमस सारखी Action असलेला पाकिस्तानी स्पिनर उस्मान तारिकशी होणार आहे. उस्मान तारिक साइड आर्मने Action ने ऑफ ब्रेक गोलंदाजी करतो. उस्मान तारिक हा इरासमस पेक्षा पण जास्त आव्हानात्मक गोलंदाज आहे. कारण चेंडू टाकण्याआधी एक-दीड सेकंद तो थांबतो. त्यामुळे फलंदाज सुद्धा गडबडतो. तारिकने अवघ्या चार सामन्यात 11 विकेट घेतलेत. टीम इंडियाला पाकिस्तान विरुद्ध विजय मिळवायचा असेल तर या चार ओव्हरमध्ये विशेष सतर्क रहावं लागेल.