इराण-इस्रायल युद्धामुळे सोने, चांदीचा भाव वाढण्याऐवजी कमी झाला आहे. सध्याचा घसरलेला भाव पाहता सोन्यात गुंतवणूक करण्याची हीच योग्य वेळ असल्याचे या क्षेत्रातील तज्ज्ञ सांगत आहेत.
एका आठवड्यात सोन्याचा भाव साधारण 5.98 टक्क्यांनी घसरला आहे. त्यामुळेच सध्या सोन्यात गुंतवणूक करणे फायद्याचे ठरू शकते, असे सांगितले जात आहे. 22 मार्च रोजी सोन्याचा भाव 1.46 लाख रुपये प्रति 10 ग्रॅमपर्यंत घसरला आहे.
चांदीचा भाव 2.32 लाख रुपये प्रति किलोपर्यंत खाली आला आहे. सोमवारी 24 कॅरेट सोन्याचा भाव 1,56,436 रुपये प्रति 10 ग्रॅम होता. आता हाच भाव 1,47,218 रुपये प्रति 10 ग्रॅमपर्यंत खाली आला आहे.
म्हणजेच आठवड्याभरात सोन्याचा भाव साधारण 9218 रुपयांनी घसरला आहे. तज्ज्ञांच्या मते सोन्याचा भाव आणखी घसरण्याची शक्यता आहे. त्यामुळे भविष्यात नेमकं काय काय होणार? हे पाहणंं महत्त्वाचं ठरणार आहे.
(टीप- वरच्या लेखात दिलेली माहिती ही प्राथमिक स्वरुपाची आहे. या लेखाच्या माध्यमातून गुंतवणूक करण्याचा सल्ला दिलेला नाही. कुठेही प्रत्यक्ष वा अप्रत्यक्ष गुंतवणूक करायची असेल किंवा कोणताही आर्थिक निर्णय घ्यायचा असेल तर त्या-त्या क्षेत्रातील तज्ज्ञांचा सल्ला जरूर घ्या)
Leave a Reply