इराण आणि इस्रायल यांच्यात सुरू असलेल्या युद्धामुळे जगभरात चिंता व्यक्त केली जात आहे. इंधनाचा दर वाढला असून भविष्यात युद्ध चालूच राहिले तर ते आणखी महागण्याची शक्यता व्यक्त केली जात आहे. या युद्धामुळे सोने आणि चांदीचा भावदेखील कधी जास्त तर कधी कमी होत आहे.
आज (10 मार्च) पुन्हा एकदा सोन्याचा भाव चांगलाच वाढला. विशेष म्हणजे चांदीचा भाव तर एखाच दिवसात 10000 रुपयांनी वाढला आहे. सोने आणि चांदीच्या भावात एवढ्या मोठ्या प्रमाणातील तेजी पाहून चिंता व्यक्त केली जात आहे. भविष्यात युद्ध चालूच राहिले तर काय होणार? असे विचारले जात आहे.
मंगळवारी मल्टी कमोडिटी एक्स्चेंजवर सोन्याच भाव साधारण 2000 रुपयांनी वाढल्याचे पाहायला मिळाले. सोमवारी 5 मे रोजी एक्स्पायर होणाऱ्या एक किलो चांदीचा भाव 2,67,160 रुपये होता. आज हाच भाव मंगळवारी थेट 2,76,370 रुपये प्रति किलोवर पोहोचला.
म्हणजेच चांदीच्या भावात साधारण 9,210 रुपयांनी वाढ झालेली पाहायला मिळाले. सोन्याबाबत बोलायचे झाल्यास 2 एप्रिल रोजी एक्स्पायर होणाऱ्या 10 ग्रॅम सोन्याचा भाव 1,62,388 रुपयांवर पोहोचला. हाच भाव सोमवारी 1,60,299 रुपये होता. म्हणजेच प्रति दहा ग्रॅममागे सोन्याचा भाव 2,089 रुपयांनी वाढला.
(टीप- वरच्या लेखात दिलेली माहिती ही प्राथमिक स्वरुपाची आहे. या लेखाच्या माध्यमातून गुंतवणूक करण्याचा सल्ला दिलेला नाही. कुठेही प्रत्यक्ष वा अप्रत्यक्ष गुंतवणूक करायची असेल किंवा कोणताही आर्थिक निर्णय घ्यायचा असेल तर त्या-त्या क्षेत्रातील तज्ज्ञांचा सल्ला जरूर घ्या)
Leave a Reply