सोन्याचा भाव गेल्या काही दिवसांपासून चांगलाच घसरत आहे. युद्धामध्ये सामान्यत: सोन्याचा भाव वाढतो. परंतु आता सोन्याचा भाव घसरत आहे. अमेरिकन डॉलर मजूबत झाल्याने सोन्याचा भाव घसरतोय. जेव्हा डॉलर मजबूत होतो, तेव्हा आंतरराष्ट्रीय बाजारात सोन्याचा भाव वाढतो आणि त्याची मागणी कमी व्हायला लागते.
युद्धामुळे वाढलेली महागाई रोखण्यासाठी जगभरातील अनेक मध्यवर्ती बँकांनी व्याजदर वाढवण्याचे संकेत दिले आहेत. जेव्हा व्याजदर वाढतो, तेव्हा गुंतवणूकदार सोनं खरेदी करण्याऐवजी बॉण्ड आणि बँक डिपॉझिटकडे वळतात आणि सोन्याचा भाव घसरतो.
त्यामुळेच सध्या सोन्याचा भाव कमी होताना दिसतोय. सोनं सध्या करेक्शन फेजमध्ये (घसरणीच्या टप्प्यात) आहे. त्यामुळे अल्प कालावधीत सोन्याचा भाव 1,40,000 ते 1,47,000 रुपये प्रति 10 ग्रॅम असण्याची शक्यता आहे.
परंतु भविष्यात स्थिती अशीच राहिली तर सोन्याच भाव थेट 1,27,000 रुपये प्रति 10 ग्रॅमपर्यंत कमी होऊ शकतो. म्हणजेच भविष्यात सोन्याचा भाव आणखी घसरू शकतो, असे अशी शक्यता व्यक्त केली जात आहे.
(टीप- वरच्या लेखात दिलेली माहिती ही प्राथमिक स्वरुपाची आहे. या लेखाच्या माध्यमातून गुंतवणूक करण्याचा सल्ला दिलेला नाही. कुठेही प्रत्यक्ष वा अप्रत्यक्ष गुंतवणूक करायची असेल किंवा कोणताही आर्थिक निर्णय घ्यायचा असेल तर त्या-त्या क्षेत्रातील तज्ज्ञांचा सल्ला जरूर घ्या)
Leave a Reply