आजकाल मद्यपान करणाऱ्यांचे प्रमाण खूपच वाढले आहे. अनेकजण तर आवडीने मद्यप्राशन करतात. मित्रांसोबत पार्टीला गेलं की अनेकदा लोक प्रामाणापेक्षा दारु पितात. काही लोक मात्र मी फक्त एकच पेग पिलो, असं सांगून मद्यपींच्या गटातून स्वत:ला बाहेर ठेवण्याचा प्रयत्न करतात. परंतु रोजचा एक पेग तुम्हाला थेट मृत्यूकडे नेऊ शकतो.
तुम्ही रोज एक पेगदेखील मद्यपान करत असाल तुम्हाल मुखाचा कर्करोग होण्याची शक्यता असते. फक्त धुम्रपानच नव्हे तर रोज एक पेग पिल्यानेही तुम्हाला मुखाचा कर्करोग होऊ शकतो. तशी शक्यता एका अभ्यासातून स्पष्ट होते.
सेंटर फॉर कॅन्सर एपिडेमियोलॉजी आणि होमी भाभा नॅशनल इन्स्टिट्यूट यांनी केलेल्या एका रिसर्चमध्ये तसा दवा करण्यात आलेला आहे. मुखाचा कर्करोग असलेले 10 पैकी 6 रुग्ण हे गुटखा, तंबाखू, पान यासारखे धूररहित धुम्रपान करण्यासोबतच मद्यपानही करायचे. त्यामुळेच मद्यपान करणाऱ्यांनाही मुखाचा कर्करोग होऊ शकतो.
डॉक्टरांच्या मतानुसार मद्यपान केल्याने शरीरात अॅसिटाल्डिहाईड नावाचा एक पदार्थ तयार होतो. त्यामुळे मुखातील पेशी खराब होतात. कालांतराने शरीराला हानिकारक असलेले पदार्थ शरीरात जातात.
मद्यपान केल्यामुळे मुखात निर्माण होणाऱ्या लाळेचे प्रमाण कमी होते. परिणामी तुमच्या मुखात खराब झालेल्या पेशी नैसर्गिकरित्या दुरुस्त होण्यास विलंब होतो. कालांतराने तुम्हाला मुखाचा कर्करोग होण्याचे प्रमाण वाढते. त्यामुळेच मद्यपानामुळे मुखाचा कर्करोग होऊ शकतो, असे सांगितले जाते.
(टीप- या लेखातील सर्व माहिती ही प्राथमिक स्वरुपाची आहे. सविस्तर माहितीसाठी किंवा कोणताही प्रयोग करण्याआधी त्या-त्या क्षेत्रातील तज्ज्ञांशी संपर्क साधावा)
Leave a Reply