रणवीर सिंहच्या बहुप्रतिक्षित आणि बहुचर्चित 'धुरंधर 2' या चित्रपटाचा ट्रेलर नुकताच प्रदर्शित झाला आहे. हा चित्रपट थिएटरमध्ये प्रेक्षकांच्या भेटीला येण्याआधीच त्याने रेकॉर्ड ब्रेकिंग कमाई केल्याची माहिती समोर येत आहे. पेड प्रिव्ह्यूजच्या अॅडव्हान्स बुकिंगमध्ये या चित्रपटाने कोट्यवधी रुपये कमावले आहेत.
'सॅकनिल्क'ने दिलेल्या वृत्तानुसार, 'धुरंधर 2'ने पेड प्रिव्ह्यूजच्या अॅडव्हान्स बुकिंगद्वारे जवळपास 1 लाख 42 हजार तिकिटांची विक्री केली आहे. त्यातून या चित्रपटाने आतापर्यंत 8.83 कोटी रुपयांचा गल्ला जमवला आहे. या चित्रपटाचे एकूण 6684 शोज असून त्यापैकी 6457 शोज हिंदी भाषेत आहेत.
हिंदी भाषेत या चित्रपटाचे जवळपास 1 लाख 35 हजार तिकिटं विकली गेली आहेत. तर ब्लॉक सीट्ससोबतच या चित्रपटाने 13.25 कोटी रुपये कमावले आहेत. 'धुरंधर 2' हा चित्रपट येत्या 19 मार्च रोजी थिएटरमध्ये प्रदर्शित होणार आहे. प्रदर्शनाला 10 दिवस शिल्लक असतानाचा इतकी कमाई झाली आहे.
'धुरंधर 2'ची सर्वाधिक ऑक्युपन्सी आतापर्यंत दिल्ली एनसीआरमध्ये आहे. या चित्रपटाला दिल्ली एनसीआरमध्ये 13 टक्के ऑक्युपन्सी मिळाली आहे. तर मुंबईत आणि पुण्यात 12% ऑक्युपन्सी मिळाली आहे.
आदित्य धर दिग्दर्शित या चित्रपटात रणवीर सिंहची मुख्य भूमिका आहेत. त्याचसोबत यामध्ये संजय दत्त, आर. माधवन, अर्जुन रामपाल, सारा अर्जुन यांच्याही भूमिका आहेत. डिसेंबर 2025 मध्ये याचा पहिला भाग प्रदर्शित झाला होता. या पहिल्या भागाने कमाईचा 1000 कोटी रुपयांचा टप्पा ओलांडला होता.
Leave a Reply