जेमिमाह रॉड्रिग्स हीच्या नेतृत्वात दिल्ली कॅपिट्ल्सने प्लेऑफमध्ये धडक दिली आहे. दिल्ली कॅपिट्ल्सची जेमिमाहच्या नेतृत्वात वूमन्स प्रीमियर लीग स्पर्धेत प्लेऑफमध्ये पोहचण्याची पहिली तसेच एकूण आणि सलग चौथी वेळ ठरली. दिल्लीने बडोद्यातील कोतांबी येथील बीसीए स्टेडियममध्ये झालेल्या या सामन्यात युपी वॉरियर्सजचा धुव्वा उडवला. युपीने दिल्लीसमोर विजयासाठी 123 धावांचं माफक आव्हान ठेवलं होतं. दिल्लीने हे आव्हान 8 बॉलआधी 5 विकेट्सच्या मोबदल्यात पूर्ण केलं. दिल्लीने 18.4 ओव्हरमध्ये 5 विकेट्स गमावून 126 धावा केल्या. दिल्लीने यासह प्लेऑफचं तिकीट मिळवलं. तर युपीच्या पराभवामुळे गतविजेत्या मुंबई इंडियन्सचं स्पर्धेतून पॅकअप झालं. युपीने हा सामना जिंकला असता तर मुंबई प्लेऑफमध्ये पोहचली असती. मात्र दिल्लीने स्वत:च्या जोरावर प्लेऑफमध्ये धडक दिली.
Leave a Reply