Border 2: ‘बॉर्डर’ सिनेमाला प्रेक्षकांनी डोक्यावर घेतलं. ‘बॉर्डर’ सिनेमाच्या अनेक वर्षांनंतर ‘बॉर्डर 2’ सिनेमा प्रेक्षकांच्या भेटीस आला आहे. सिनेमाचा ट्रेलर आणि गाणी प्रदर्शित झाल्यानंतर ‘बॉर्डर 2’ सिनेमासाठी प्रेक्षकांची उत्सुकता शिगेला पोहोचली होती. ‘बॉर्डर 2’ सिनेमा 23 जानेवारी रोजी प्रदर्शित झाला आणि चित्रपटगृहात चाहत्यांची गर्दी जमली. सर्वत्र सिनेमाची चर्चा सुरु असताना, अभिनेता सनी देओल आणि सिनेमातील इतर कलाकारांना मोठा धक्का बसला आहे. सिनेमावर काही देशांमध्ये बंदी घालण्यात आली आहे. यापूर्वी प्रदर्शित झालेल्या काही सिनेमांवर देखील काही देशांनी बंदी घातली होती. तर आता ‘बॉर्डर 2’ सिनेमावर काही देशांमध्ये बंदी घालण्यात आली आहे.
रिपोर्टनुसार, ओमान, कतार, कुवैत, बहरीन, सौदी अरब आणि युएई या देशांमध्ये ‘बॉर्डर 2’ सिनेमावर बंदी घालण्यात आली आहे. सांगायचं झालं तर, भारत आणि पाकिस्तानमधील युद्धांवर आधारित सिनेमांवर काही देशांमध्ये बंदी घालण्यात येते. गल्फ देशांमध्ये सिनेमावर बंदी घालण्यात आली आहे.
‘बॉर्डर 2’ सिनेमाचं बॉक्स ऑफिस कलेक्शन
‘बॉर्डर 2’ सिनेमाच्या प्रतिक्षेत असंख्य चाहते होते. त्यामुळे बॉक्स ऑफिसवर देखील अनेकांचं लक्ष आहे. सिनेमाने पहिल्या दिवशी 30 कोटी रुपयांची कमाई केली. तर दुसऱ्या दिवशी सिनेमाने 36.5 कोटींचा आकडा गाठला. तिसऱ्या दिवशी सिनेमाने 54.5 कोटींचा गल्ला जमा केला असून चौथ्या दिवशी म्हणजे 26 जानेवारी दुपारी 2.30 वा. पर्यंत सिनेमाने 19.44 कोटींची कमाई केली आहे. म्हणजे सिनेमाने आतापर्यंत 140.44 कोटींची कमाई केली आहे. सध्या सर्वत्र फक्त आणि फक्त सिनेमाची चर्चा रंगली आहे.
View this post on Instagram
Leave a Reply