बीसीसीआयने 2025-26 सालासाठी सेंट्रल कॉन्ट्रॅक्टमध्ये असणाऱ्या खेळाडूंची यादी जाहीर केली आहे. ही यादी समोर आल्यानंतर अनेक खेळाडूंना जबर धक्का बसला आहे. यामध्ये रोहित शर्मा, विराट कोहली यासारख्या स्टार क्रिकेटपटूंचाही सहभाग आहे. विशेष म्हणजे यावेळी बीसीसीआयने A+ ही श्रेणीच हटवून टाकली आहे.
बीसीसीआयने A+ ही श्रेणी हटवून टाकल्यामुळे आता सर्वोच्च श्रेणी ही A असेल. या निर्णयामुळे अनेक खेळाडू आपोआपच खालच्या श्रेणीत आले आहेत. काही खेळाडू तर कोणत्याही श्रेणीमध्ये नाहीत. त्यामुळे त्यांचा मोठा आर्थिक तोटा होणार आहे.
बीसीसीआयच्या नव्या लिस्टनुसार विराट कोहली, रोहित शर्मा या दोन्ही खेळाडूंना A+ श्रेणीमधून काढून थेट B श्रेणीत टाकण्यात आले आहे. यासह केएल राहुल, हार्दिक पांड्या, ऋषभ पंत हे खेळाडूदेखील A श्रेणीतून थेट B श्रेणीत गेले आहेत. म्हणजेच आता सहा खेळाडूंची कमाई कमी होणार आहे.
बीसीसीआयच्या सेंट्रल कॉन्ट्रॅक्टमध्ये असलेल्या प्रत्येक खेळाडूला पैसे मिळतात. प्रत्येक श्रेणीत मिळणाऱ्या पैशांमध्ये दोन-दोन कोटींचे अंतर आहे. म्हणजेच विराट कोहीला प्रत्येक 4-4 कोटी रुपयांचे तर हार्दिक पांड्या, के एल राहुल, ऋषभ पंत, मोहम्मद सिराज या खेळाडूंना प्रत्येक दोन कोटी रुपये कमी मिळणार आहेत.
इशान किशन या बड्या क्रिकेटरला बीसीसीआयने कॅन्ट्रॅक्ट लिस्टमधून काढूनच टाकले आहे. इशा किशन हा यावेळी भारताच्या टी-20 संघाचा भाग आहे. मोहोम्मद शमी, सरफराज खान, रजत पाटीदार, मुकेश कुमार यांनादेखील कॉन्ट्रॅक्ट लिस्टमधून बाहेर काढण्यात आले आहे. त्यामुळे आता त्यांना बीसीसीआयकडून पैसे मिळणार नाहीत.
Leave a Reply