Akshar Patel : त्या जबरदस्त कॅचने मॅच पलटणारा अक्षर पटेल इतक्या कोटी संपत्तीचा मालक; कोण आहे पत्नी?

वानखेडे स्टेडियमवर पार पडलेल्या उपांत्य सामन्यात भारतीय संघने इंग्लंडविरोधात रोमहर्षक विजय मिळवला. या सामन्यात फिल्डिंगमधील फरक निर्णायक ठरला. कारण एकीकडे संजू सॅमसनला जीवदान देणं इंग्लंडला महागात पडलं. तर दुसरीकडे आव्हानाचा पाठलाग करताना बेथल आणि जॅक्स जोडी घातक ठरत होती, तेव्हा सीमारेषेवर अक्षर पटेलच्या चपळाईमुळे भारतीय संघाला जॅक्सला बाद करता आलं. अक्षय पटेलच्या कॅचची सध्या सोशल मीडियावर जोरदार चर्चा आहे. उत्कृष्ठ फिल्डिंग आणि गोलंदाजीने त्याने टीम इंडियाला कठीण परिस्थितीतून वाचवलं. या मॅचनंतर सोशल मीडियावर अक्षर पटेल विशेष प्रकाशझोतात आला असून त्याच्या वैयक्तिक आयुष्याबद्दल जाणून घेण्यासाठी क्रिकेटप्रेमी उत्सुक आहेत.

अक्षर पटेलची पत्नी

अक्षर पटेलची पत्नी मेहा पटेल ही पोषणतज्ज्ञ, आहारतज्ज्ञ आणि उद्योजिका आहे. मेहाचा जन्म गुजरातमध्ये झाला असून तिथेच ती लहानाची मोठी झाली. खाण्याच्या योग्य सवयी, तंदुरुस्तीविषयी जागरुकता, संतुलित आहार आणि निरोगी जीवनशैली यांबाबत ती तिच्या कामातून लोकांना मदत करते. मेहा सहसा प्रकाशझोतात नसते. तिला लाइमलाइटपासून दूर राहायला आवडतं. 2023 मध्ये अक्षरने मेहाशी लग्न केलं. त्यानंतर 2024 मध्ये तिने मुलाला जन्म दिला.

 

View this post on Instagram

 

A post shared by Axar Patel (@akshar.patel)

अक्षर पटेलची संपत्ती

अक्षर पटेलने क्रिकेट, ब्रँड एंडोर्समेंट आणि गुंतवणुकीतून त्याने बरीच संपत्ती जमवली आहे. ‘एशियानेट न्यूज’ने दिलेल्या वृत्तानुसार, 2026 पर्यंत त्याची संपत्ती अंदाचे 60 ते 65 कोटी रुपयांदरम्यान आहे. त्याच्या कमाईचा मोठा भाग आयपीएलमधून येतो. दिल्ली कॅपिटल्सने त्याच्यावर 16.5 कोटी रुपयांची बोली लावली होती. ग्रेड-बी करार, कसोटी, वन-डे आणि टी-20 सामन्यांच्या स्वतंत्र शुल्कातून तो दरवर्षी अंदाजे तीन ते चार कोटी रुपये कमावतो. अक्षय अनेक ब्रँड्सच्या जाहिरातीही करतो. बोट, अपोलो आणि जेएसडब्ल्यू स्पोर्ट्ससाठी त्याने जाहिराती केल्या आहेत. एका जाहिरातीसाठी तो जवळपास एक कोटी रुपये मानधन स्वीकारतो. याशिवाय त्याने रिअल इस्टेटमध्येही गुंतवणूक केली आहे. अक्षरच्या कार कलेक्शनमध्ये रेंज रोव्हर ऑटोबायोग्राफी, लँड रोव्हर डिस्कव्हरी यांसारख्या आलिशान गाड्यांचा समावेश आहे.