राष्ट्रवादी काँग्रेसचे ज्येष्ठ नेते अजित पवार यांच्या पार्थिवावर आज बारामती येथील विद्या प्रतिष्ठानच्या प्रांगणात अंत्यसंस्कार केले जाणार आहेत. त्यापूर्वी, त्यांचे पार्थिव त्यांच्या मूळ गावी, काटेवाडी येथील निवासस्थानी अंतिम दर्शनासाठी ठेवण्यात आले आहे. काटेवाडी हे अजित पवारांचे बालपण आणि शिक्षणाची सुरुवात झालेल्या ठिकाण असल्याने, हिंदू धर्मातील अंत्यविधींचे काही संस्कार तेथे करण्यात आले.
नऊ वाजता हे पार्थिव काटेवाडीतून बारामतीकडे नेण्यात येणार असून, सकाळी अकरा वाजता अंत्यसंस्कार होणार आहेत. अजित पवारांचे अंत्यदर्शन घेण्यासाठी काटेवाडी आणि बारामतीमध्ये हजारो कार्यकर्ते, नेतेमंडळी तसेच सर्वसामान्य नागरिकांनी गर्दी केली आहे. रोहित पवार यांनी गर्दीचे नियोजन करण्यास मदत केली, तर सुप्रिया सुळे यांनी भावनिक झालेल्या कार्यकर्त्यांशी संवाद साधला. संपूर्ण बारामती आणि महाराष्ट्र या दुःखात स्तब्ध झाला आहे.
Leave a Reply