AFG vs CAN : अफगाणिस्तानचा विजयासह शेवट, कॅनडाचा 82 धावांनी धुव्वा

अफगाणिस्तान क्रिकेट टीमने आयसीसी टी 20i वर्ल्ड कप 2026 स्पर्धेतील आपल्या मोहिमेचा शेवट विजयाने केला आहे. अफगाणिस्तानने या स्पर्धेतील 39 व्या सामन्यात कॅनडाचा 82 धावांनी धुव्वा उडवला. अफगणिस्तानने कॅनडासमोर 201 धावांचं आव्हान ठेवलं होतं. मात्र कॅनडाला प्रत्युत्तरात 20 ओव्हरमध्ये 8 विकेट्स गमावून 118 धावाच करता आल्या. अफगाणिस्तानाने यासह हा सामना आपल्या नावावर केला. अफगाणिस्तानचा हा या मोहिमेतील एकूण आणि सलग दुसरा विजय ठरला. तर कॅनडाला रिकाम्या हाती मायदेशी परतावं लागलं आहे. कॅनडाला या स्पर्धेत एकही सामना जिंकता आला नाही.