चित्रपटप्रेमींसाठी गाणी ही चित्रपटांचा आत्मा मानली जातात. अनेक वेळा गाणीच चित्रपटाची खरी ओळख बनतात. 90 च्या दशकात असच एक गाजलेलं गाणं होतं, ज्याने लोकप्रियतेचे सर्व विक्रम मोडले पण त्याच वेळी या गाण्यामुळे देशभरात वादही निर्माण झाला.
आपण ज्या गाण्याबद्दल बोलत आहोत ते म्हणजे Oye Oye. हे गाणं 'त्रिदेव' या ब्लॉकबस्टर चित्रपटातील आहे. 1989 साली प्रदर्शित झालेल्या या चित्रपटाने बॉक्स ऑफिसवर जबरदस्त यश मिळवलं होतं.
हे गाणं त्या काळात इतकं लोकप्रिय झालं होतं की रेडिओपासून ते गल्ल्यागल्ल्यांपर्यंत सर्वत्र त्याची धूम होती. चार्टबस्टरमध्येही हे गाणं नंबर 1 वर राहिलं होतं. या चित्रपटाचे दिग्दर्शक राजीव राय यांनी एका मुलाखतीत या गाण्याबाबत धक्कादायक खुलासा केला होता. त्यांच्या म्हणण्यानुसार, या गाण्यावर अधिकृत बंदी नव्हती, मात्र ते बदनाम झालं होतं.
कारण असं की, देशातील काही लोकांनी या गाण्याचा वापर छेडछाड करताना करायला सुरुवात केली. त्यामुळे अनेक ठिकाणी अशा प्रकारच्या घटनांमध्ये वाढ झाली आणि छेडछाड प्रकरणांमध्ये अनेकांना अटक करण्यात आली. या कारणामुळे गाण्याबद्दल नकारात्मक प्रतिमा तयार झाली.
‘ओए ओए’ हे गाणं एकीकडे प्रचंड लोकप्रिय ठरलं, तर दुसरीकडे त्याच्याशी संबंधित वादांमुळे ते चर्चेत राहिलं. आजही हे गाणं ऐकलं की 90 च्या दशकाची आठवण ताजी होते पण त्यामागची ही वेगळी कहाणी अनेकांना माहीत नाही.
Leave a Reply