TV9 भारतवर्षचं सत्ता सम्मेलन आज 24 मार्च रोजी आयोजित करण्यात आलं आहे. यात बाबा रामदेव सहभागी झाले आहेत. ‘सत्ता सम्मेलन’ मध्ये योग गुरु बाबा रामदेव एका वेगळ्याच अंदाजात दिसले. स्वदेशी व्यापार आणि योगावरच फक्त ते बोलले नाहीत, तर जागतिक राजकारणावरही त्यांनी बिनधास्त टिप्पण्या केल्या. कधी काळी ज्या सन्यास्याच्या भगव्या वस्त्रांची खिल्ली उडवली जायची, आज त्याच सन्यास्याने जगातील मोठ्या FMCG कंपन्यांची झोप उडवली आहे. एका दशकापूर्वीची गोष्ट आहे. रामदेव यांनी मोठ्या ग्राहक बाजारपेठेत पाऊल ठेवलं. त्यावेळी कॉर्पोरेट विश्वाला वाटलेलं की, एका सन्यास्याला व्यापारातील बारकावे काय समजणार?.
मंचावर जुन्या दिवसांच्या आठवणींबद्दल बोलताना रामदेव म्हणाले की, “लोक त्यावेळी माझ्या पात्रतेवर प्रश्न उपस्थित करायचे. पण आज आकडेच सर्व काही सांगतायत” “पंतजलीने बाजारात अनेक स्थापित आणि परदेशी ब्रांड्सना मागे टाकलय. वर्तमानात ‘हिंदुस्तान यूनिलीवर’वगळता एकही कंपनी एफएमसीजी सेक्टरमध्ये पतंजलीच्या पुढे नाहीय. अन्य सर्वांना शीर्षासन घालायला लावलं” असं बाबा रामदेव म्हणाले. पतंजलीला जगातील सर्वात मोठा ब्रँड बनवणं हे त्यांचं पुढचं लक्ष्य आहे.
रशिया बाबत बाबा रामदेव काय म्हणाले?
पतंजलीचा विस्तारा आता देशाच्या सीमा ओलांडून पुढे गेलाय. रशिया सोबत झालेल्या व्यापारी करारावर बोलताना रामदेव म्हणाले की, “भारताच्या उत्पादनांसह भविष्यात भारतीय सिद्धांताना सुद्धा परदेशात मोठी मागणी आहे. रशियात आता योग आणि पतंजलीची उत्पादने मोठ्या प्रमाणात पोहोचतायत” भारत सगळ्या जगाकडे फक्त नफा कमावणारा बाजार म्हणून नाही तर एका कुटुंब म्हणून पाहतो ही महत्वाची गोष्ट ते बोलले. जागतिक स्तरावर लोक आता नैसर्गिक चिकित्सा आणि योगाचा वेगाने स्वीकार करतायत. भारताचं अध्यात्मिक, कृषी आणि चिकित्सा दर्शन सगळ्या जगाच लक्ष आपल्याकडे वेधून घेत आहे.
एक पैशाचाही खासगी शेअर किंवा मालकी हक्क नाहीय
जेव्हा कुठली कंपनी 50 हजार कोटीचा आकडा गाठते, तेव्हा मालकाच्या खासगी संपत्तीचा अंदाज लावणं स्वाभाविक आहे. रामदेव यांनी स्पष्ट केलं की, “या विशाल व्यापारिक साम्राज्यात त्यांचा एक पैशाचाही खासगी शेअर किंवा मालकी हक्क नाहीय. पतंजलीमधून मिळणाऱ्या उत्पन्नाचा एक पैसही ते स्वत:कडे ठेवत नाहीत. सर्व हिस्सेदारी नॉन-प्रॉफिट ट्रस्टकडे आहे. जो काही पैसा मिळतो तो थेट समाजसेवा, मानवता, सनातन धर्म आणि भारत मातेच्या सेवेसाठी वापरला जातो. व्यापाराचं हे एक वेगळं मॉडेल आहे”
Leave a Reply