मनोरंजन क्षेत्रातील कलाकारांचे आयुष्य जरी ग्लॅमरस आणि आलिशान दिसत असले तरी त्यांच्या वैयक्तिक आयुष्यात अनेकदा वेदनादायक प्रसंग दडलेले असतात. अशीच एक धक्कादायक घटना एका अभिनेत्रीसोबत घडली होती.
नूर मालबिका दास हिने मॉडेलिंगमधून आपल्या करिअरची सुरुवात केली आणि नंतर अभिनय क्षेत्रात प्रवेश केला. तिने अनेक वेब सिरीजमध्ये काम केले होते. काजोल हिच्यासोबत ‘द ट्रायल’ या वेब सिरीजमध्येही ती झळकली होती.
सोशल मीडियावरही नूर मोठ्या प्रमाणात सक्रिय होती. ती तिचे फोटो आणि व्हिडिओ शेअर करत असल्याने तिची चांगली फॅन फॉलोइंग होती. 1993 मध्ये जन्मलेली नूर मालबिका दास हिचं 2024 मध्ये वयाच्या अवघ्या 31 व्या वर्षी निधन झालं.
मुंबईतील लोखंडवाला येथील तिच्या घरात तिचा मृतदेह सापडला. पोलिसांनी दिलेल्या माहितीनुसार, तिने आत्महत्या केल्याचा प्राथमिक अंदाज व्यक्त करण्यात आला. तिचा मृतदेह काही दिवस घरातच पडून राहिल्याने तो सडलेल्या अवस्थेत आढळला ही बाब अत्यंत धक्कादायक होती.
या घटनेनंतर आणखी एक दुःखद बाब समोर आली. तिचा मृतदेह ताब्यात घेण्यासाठी कुटुंबातील कोणीही पुढे आले नाही. अखेरीस पोलिसांनी तिचा मृतदेह एका स्वयंसेवी संस्थेकडे सुपूर्द केला आणि त्यानंतर तिच्यावर अंत्यसंस्कार करण्यात आले.
Leave a Reply