सध्या धुरंधर 2 हा चित्रपट बॉक्स ऑफिसवर तुफान कमाई करत आहे. अवघ्या 7 दिवसांत चित्रपटाने जवळपास 1000 कोटी रुपयांचा टप्पा गाठल्याची चर्चा आहे.
प्रेक्षकांकडून चित्रपटाला भरभरून प्रतिसाद मिळत असताना, पहिल्या भागातील डकैत रहमानची भूमिका साकारणाऱ्या अक्षय खन्नाची कमतरता जाणवत असल्याचे अनेकांनी म्हटले आहे.
अक्षय खन्नाने आपल्या 30 वर्षांच्या कारकिर्दीत विविध भूमिका साकारल्या आहेत. 1997 मध्ये प्रदर्शित झालेल्या बॉर्डर या मल्टीस्टारर चित्रपटाने त्याला मोठी ओळख मिळवून दिली. ‘बॉर्डर’ त्या वर्षातील सर्वाधिक कमाई करणारा चित्रपट ठरला आणि अक्षय खन्नाला फिल्मफेअरचा बेस्ट डेब्यू पुरस्कारही मिळाला.
2025 हे वर्ष अक्षय खन्नाच्या कारकिर्दीसाठी महत्त्वाचे ठरले. 'छावा' या चित्रपटात त्याने औरंगजेबाची भूमिका साकारत प्रेक्षकांची मने जिंकली. या चित्रपटाने सुमारे 809 कोटी रुपयांची कमाई केली. त्यामधील त्याच्या प्रभावी अभिनयाची प्रचंड चर्चा झाली.
यानंतर डिसेंबर 2025 मध्ये प्रदर्शित झालेल्या 'धुरंधर' या चित्रपटाने बॉक्स ऑफिसवर धुमाकूळ घातला. रणवीर सिंह याच्यासोबतच्या या चित्रपटाने सुमारे 895 कोटी रुपयांची कमाई करत त्या वर्षातील सर्वाधिक कमाई करणारा हिंदी चित्रपट ठरला.
Leave a Reply