2026 मध्ये अनेक चित्रपट प्रदर्शित झाले. मात्र, यामध्ये काही चित्रपट हे प्रदर्शित होताच बॉक्स ऑफिसवर फ्लॉप ठरले तर काहींनी रेकॉर्ड ब्रेक कमाई केली. असाच एक चित्रपट ज्याने फक्त 6 दिवसांमध्ये 8 चित्रपटांचे रेकॉर्ड मोडले.
दिग्दर्शकविपुल अमृतलाल शाह यांच्या निर्मितीतील The Kerala Story 2 हा चित्रपट गेल्या आठवड्यात देशभरातील चित्रपटगृहांमध्ये प्रदर्शित झाला. रिलीज होण्यापूर्वीच या चित्रपटाभोवती मोठा वाद निर्माण झाला होता. ट्रेलर समोर आल्यानंतर अनेकांनी चित्रपटातील विषयावर प्रश्न उपस्थित केले आणि प्रकरण न्यायालयापर्यंत गेले होते.
मात्र नंतर Kerala High Court च्या विभागीय खंडपीठाने यापूर्वी लावण्यात आलेल्या अंतरिम स्थगिती आदेशावर स्थगिती दिली. त्यामुळे चित्रपटाला देशभरात प्रदर्शित होण्याचा मार्ग मोकळा झाला आणि अखेर तो प्रेक्षकांच्या भेटीला आला.
या चित्रपटाचे दिग्दर्शन सुदीप्तो सेन यांनी केले आहे. पहिल्या भागाप्रमाणेच यावेळीही चित्रपटाची कथा संवेदनशील आणि काही वास्तविक घटनांवर आधारित असल्याचे सांगितले जाते.
चित्रपटाच्या कमाईबद्दल बोलायचे झाले तर तो बॉक्स ऑफिसवर चांगली कमाई करताना दिसत आहे. सहा दिवसांत चित्रपटाने एकूण सुमारे 20.15 कोटी रुपयांची कमाई केली. या चित्रपटाचे बजेट सुमारे 28 ते 30 कोटी रुपये आहे.
Leave a Reply