1989 साली प्रदर्शित झालेला 'चांदनी' हा चित्रपट हिंदी चित्रपटसृष्टीतील सर्वात लोकप्रिय म्युझिकल-रोमँटिक चित्रपटांपैकी एक मानला जातो. या चित्रपटात श्रीदेवी, ऋषि कपूर आणि विनोद खन्ना हे दिग्गज कलाकार एकत्र झळकले होते.
चित्रपटाचे दिग्दर्शन दिग्गज निर्माते-दिग्दर्शक यश चोपड़ा यांनी केले होते. तसेच यात वहीदा रहमान, सुषमा सेठ आणि अचला सचदेव यांच्याही महत्त्वाच्या भूमिका होत्या.
‘चांदनी’ हा एक म्युझिकल रोमँटिक चित्रपट होता. प्रदर्शित झाल्यानंतर बॉक्स ऑफिसवर या चित्रपटाने मोठे यश मिळवले आणि श्रीदेवी यांना ‘इंडस्ट्रीची चांदनी’ अशी ओळख मिळाली. चित्रपटातील जवळपास सर्व गाणी सुपरहिट ठरली. ‘मेरे हाथों में नौ-नौ चूड़ियां’ आणि ‘मैं ससुराल नहीं जाऊंगी’ ही गाणी आजही प्रेक्षकांच्या आवडीची आहेत.
कामना चंद्रा यांनी या चित्रपटाची कथा लिहिली होती. सुमारे 8 कोटी रुपयांच्या बजेटमध्ये तयार झालेल्या या चित्रपटाने तब्बल 27 कोटी रुपयांची कमाई केली. इतकेच नाही तर या चित्रपटाला 37व्या राष्ट्रीय चित्रपट पुरस्कारांमध्ये ‘सर्वोत्कृष्ट लोकप्रिय चित्रपट’ हा सन्मान मिळाला.
चित्रपटात ऋषी कपूर आणि विनोद खन्ना यांसारखे मोठे स्टार असतानाही सर्वाधिक श्रेय श्रीदेवींनाच मिळाले.
आजही ‘चांदनी’ म्हटले की प्रेक्षकांच्या डोळ्यासमोर श्रीदेवींचीच प्रतिमा उभी राहते. फक्त अभिनयच नाही तर त्यांच्या फॅशन सेन्सलाही मोठी दाद मिळाली.
Leave a Reply