अनेकांना आपल्या घरात किंवा घराच्या परिसरात झाडं लावण्याची आवड असते, मात्र अशी झाडं लावताना देखील काही काळजी घेणं गरजेचं असतं. काही झाडं ही अशी असतात की ज्यांच्या विशिष्ट गुणधर्मांमुळे साप त्या वनस्पतींकडे आकर्षित होतो. जेव्हा अशी झाडं आपण आपल्या बागेत किंवा घरात लावतो, तेव्हा साप घरात घुसण्याची भीती वाढते, जर तुमच्याही परिसरात वारंवार साप दिसत असेल किंवा घरात आढळून येत असेल तर ही झाडं तुमच्या परिसरात असण्याची शक्यता असते. आज आपण अशाच काही झाडांबद्दल माहिती जाणून घेणार आहोत. त्यापूर्वी या ठिकाणी एक गोष्ट लक्षात घेतली पाहिजे की, तुम्हाला कुठेही साप आढळला तर त्याला पकडू किंवा मारू नका, तर त्याची माहिती ही सर्पमित्रांना द्या. ते सापांना त्यांच्या सुरक्षित अधिवासात मुक्त करतील.
सापांबद्दल आजही आपल्या मनात अनेक गैरसमज आहेत. प्रत्येक साप हा विषारीच असतो हा त्यातील मोठा गैरसमज मात्र सर्वच साप हे काही विषारी नसतात, तर काही हाताच्या बोटावर मोजण्या एतकेच साप हे विषारी आहेत. त्यामध्ये प्रामुख्याने घोणस, नाग, मण्यार आणि फुरसे या जातीच्या सापांचा समावेश होतो. मात्र साप कोणताही असू द्या त्याला पकडण्याचा प्रयत्न करू नका. कारण त्यामुळे तुम्हाला सर्पदंश देखील होऊ शकतो.
आता उन्हाळ्याचे दिवस सुरू झाले आहेत. उन्हाळांच्या दिवसांमध्ये साप बिळातून बाहेर येऊन थंड हवेची जागा निवाऱ्यासाठी शोधतो, अशा परिस्थितीमध्ये कधी -कधी तो तुमच्या घरात देखील घुसण्याची शक्यता असते. त्यामुळे कुठेही अडचणीच्या ठिकाणी जात असाल तर सावधानता बाळगावी.
अशी काही झाडं असतात, ज्यामुळे साप तुमच्या घराकडे आकर्षित होतात, त्यातील सर्वात महत्त्वाची वनस्पती म्हणजे बांबू ही आहे. बांबूचं झाड हे थंडगार असतं, त्यामुळे उन्हाळ्याच्या दिवसांमध्ये साप अशा झाडांचा आसारा घेतात. तसेच बांबूच्या झाडांमध्ये लपण्यासाठी त्यांना मोठ्या प्रमाणात जागा मिळते. साप अनेकदा पक्षांची शिकार करतात. हे पक्षी बांबुचे कवळे कोंब खाण्यासाठी आल्यानंतर तिथे दबा धरून बसलेले साप त्यांच्यावर हल्ला करतात. त्यामुळे बांबुच्या झाडांखाली साप असण्याची शक्यता वाढते.
Leave a Reply