अक्षय कुमारची ऑनस्क्रीन बहीण साकारून ही अभिनेत्री रातोरात प्रकाशझोतात आली होती. पहिल्याच चित्रपटाने तिचं नशीब पालटलं होतं. नंतर पुढील पाच वर्षांत तिने 17 चित्रपटांमध्ये भूमिका साकारल्या. ही अभिनेत्री हुबेहूब माधुरी दीक्षितसारखीच दिसायची.
बॉलिवूड आणि दाक्षिणात्य चित्रपटसृष्टीत काम केलेली ही अभिनेत्री दुसरी-तिसरी कोणी नसून फरहीन खान आहे. रोनित रॉयची भूमिका असलेल्या 'जान तेरे नाम में' या चित्रपटात तिने मुख्य भूमिका साकारली होती. पहिल्याच चित्रपटातून तिची जोरदार चर्चा झाली होती. प्रेक्षक आजसुद्धा या चित्रपटातील गाणी विसरू शकले नाहीत.
आपल्या पहिल्याच चित्रपटातून तगडी छाप सोडणाऱ्या या अभिनेत्रीला प्रेक्षक माधुरी दीक्षितची 'डुप्लीकेट' असं म्हणायचे. करिअरच्या शिखरावर असताना तिने एका हिंदू क्रिकेटरशी लग्न केलं होतं. मनोज प्रभाकर असं या क्रिकेटरचं नाव होतं.
फरहीन मुस्लीम होती आणि तिच्या वडिलांनी तीन लग्न केले होते. फरहीन याविरोधात होती. त्यामुळे तिने मुस्लीम नाही तर हिंदू व्यक्तीशी लग्न करायचं आधीच ठरवलं होतं. मनोज आणि फरहीन यांनी 1994 मध्ये लग्न केलं. त्यावेळी फरहीन लग्नाआधीच प्रेग्नंट असल्याच्या जोरदार चर्चा होत्या.
फरहीनने अक्षय कुमारसोबत 'सैनिक'मध्ये काम केलं होतं. या चित्रपटात तिने अक्षय कुमारच्या बहिणीची भूमिका साकारली होती. याशिवाय 'अमानत', 'आग का तूफान' आणि 'दिल की बाजी' यांसारख्या चित्रपटांमध्येही काम केलं. फरहीनने बॉलिवूडशिवाय साऊथ फिल्म इंडस्ट्रीमध्येही नशीब आजमावलं.
फरहीनने तिच्या करिअरमध्ये अनेक हिट चित्रपटांमध्ये काम केलं. फिल्म इंडस्ट्रीत तिने पाच वर्षांत 17 चित्रपटांमध्ये काम केलं होतं. परंतु करिअरच्या शिखरावर असतानाच तिने लग्न केलं. त्यावेळी इंडस्ट्रीत माधुरी दीक्षित, दिव्या भारती, काजोल, करिश्मा कपूर यांचा दबदबा होता.
Leave a Reply