बॉलिवूडच्या इतिहासात काही जोड्या अशा आहेत, ज्यांची ऑन-स्क्रीन केमिस्ट्री आजही प्रेक्षकांच्या मनात घर करून आहे. 90 च्या दशकात अक्षय कुमार आणि शिल्पा शेट्टी ही जोडी अशीच सुपरहिट ठरली होती. दमदार डान्स आणि उत्कृष्ट अभिनयामुळे त्यांनी एकापेक्षा एक हिट चित्रपट दिले.
मात्र, 2000 साली प्रदर्शित झालेल्या ‘धडकन’ या चित्रपटाने या जोडीच्या यशासोबतच त्यांच्या डान्सला पूर्णविराम दिला. या चित्रपटातील ‘तुम दिल की धडकन में’ आणि ‘दुल्हे का सेहरा’ यांसारखी गाणीही प्रचंड गाजली.
चित्रपट बॉक्स ऑफिसवर ब्लॉकबस्टर ठरला पण पडद्यामागे वेगळीच कहाणी घडत होती. चित्रपटाच्या शूटिंगदरम्यान अक्षय आणि शिल्पा यांच्या वैयक्तिक नात्यात तणाव निर्माण झाला. या मतभेदांचा परिणाम त्यांच्या करिअरवरही झाला आणि ही सुपरहिट जोडी कायमची तुटली.
या आधी ‘मैं खिलाड़ी तू अनाड़ी’, ‘तू चोर मैं सिपाही’ आणि ‘इंसाफ’ यांसारख्या चित्रपटांतून त्यांनी सलग हिट चित्रपट दिले. ‘चुरा के दिल मेरा’ हे गाणं आजही लोकप्रिय आहे. त्यामुळे निर्मात्यांनी या जोडीवर आधारित अनेक मोठे प्रोजेक्ट्स तयार केले होते पण त्यांच्या विभक्त होण्यामुळे हे सर्व प्रोजेक्ट्स थांबले.
यानंतर अक्षय कुमारने कैटरीना कैफ आणि प्रियंका चोप्रासोबत काम केलं. मात्र, अक्षय-शिल्पाच्या जोडी जेवढी प्रसिद्ध होती तेवढी ही जोडी ठरली नाही. वैयक्तिक आयुष्यातही मोठे बदल झाले. 2001 साली अक्षय कुमारने ट्विंकल खन्नाशी लग्न केलं.
Leave a Reply