बाप आणि लेकीचे नाते हे कायम खास असते. बापाला आपल्या लेकीची प्रचंड काळजी असते, तिला लागलं-खरचटलं तरी बापाच्या डोळ्यात पाणी येत. पण याच नात्याला कलंक लावणारी एक घटना समोर आली आहे. एका बापाने आपल्या 15 वर्षांच्या मुलीवर वारंवार बलात्कार केला. त्यानंतर एक दिवस अचानक तिची प्रकृती बिघडल्यानंतर तिला रुग्णालयात दाखल केले. तेव्हा सर्वांच्या पायाखालची जमीनच सरकली. 15 वर्षांची मुलगी गर्भवती असल्याचे समोर आले आणि तिच्या पोटातील बाळ वडिलांचे असल्याचे समोर आले. या घटनेने सर्वांनाच धक्का बसला.
तामिळनाडूमधील तिरुनेलवेली जिल्ह्यात ही हादरवून टाकणारी घटना घडली आहे. येथे एका वडिलानेच आपल्या 15 वर्षीय मुलीवर वारंवार बलात्कार केला. त्याने मुलीवर वारंवार रेप केल्याने ती गरोदर झाली. मुलगी ५ महिन्यांची गरोदर असताना तिची तब्येत बिघडली आणि रुग्णालयात नेल्यावर ती गर्भवती असल्याचे उघड झाले. खरे सांगायचे तर, तिरुनेलवेली POCSO विशेष न्यायालयाने ५ जानेवारी रोजी एका वडिलांना आपल्या १५ वर्षीय मुलीवर बलात्कार करून तिला गरोदर करण्याच्या आरोपाखाली फाशीची शिक्षा सुनावली. तिरुनेलवेली जिल्ह्यातील वल्लियूर महिला पोलीस ठाणे हद्दीतील राहणाऱ्या एका लाकूडतोड्यावर हा आरोप होता. त्याने २०२४ मध्ये आपल्या दुसऱ्या पत्नीपासून झालेल्या १५ वर्षीय मुलीवर वारंवार बलात्कार केला होता.
महिला पोलिसांनी गुन्हा दाखल करून तपास सुरू केला
सतत होणाऱ्या बलात्कारामुळे मुलगी आजारी पडली आणि फेब्रुवारी २०२५ मध्ये तिला रुग्णालयात दाखल करण्यात आले. तिथे तिची तपासणी केली गेली. तपासणीत समोर आले की मुलगी पाच महिन्यांची गरोदर आहे. त्यानंतर वल्लियूर महिला पोलिसांनी गुन्हा दाखल करून तपास सुरू केला. तपासाच्या भाग म्हणून केलेल्या डीएनए चाचणीत आढळले की गर्भातील बाळाचा डीएनए आरोपीच्या डीएनएशी जुळतो, ज्यामुळे न्यायालयात गुन्ह्याची पुष्टी झाली.
तिरुनेलवेली POCSO विशेष न्यायालयात सुनावणी झाली
हे प्रकरण 5 जानेवारी 2026 रोजी तिरुनेलवेली POCSO विशेष न्यायालयात सुनावणीसाठी आले. न्यायमूर्ती सुरेश कुमार यांनी निकाल देताना सांगितले की, या प्रकरणात किमान शिक्षेचा विचार केला गेला आहे. तरीही पीडितेने आणि तिच्या आईने जास्तीत जास्त शिक्षेची मागणी केली होती. न्यायमूर्ती म्हणाले की, दोषीने आपल्या स्वतःच्या मुलीवर वारंवार बलात्कार केल्याच्या गुन्ह्यासाठी त्याला मृत्युदंड देण्यात येत आहे.
तिरुनेलवेली POCSO विशेष न्यायालयाने ११ दिवसांपूर्वी दुसऱ्या एका वडिलांना आपल्या मुलीला गरोदर करण्याच्या आरोपाखाली फाशीची शिक्षा सुनावली होती. आता असेच आणखी एक प्रकरण समोर आले आहे, ज्यामुळे सर्वजण स्तब्ध झाले आहेत. इतक्या कमी कालावधीत एकाच प्रकारच्या गुन्ह्यासाठी दुसऱ्यांदा फाशीची शिक्षा सुनावली गेली आहे.
Leave a Reply